استفسار عن سياره بولينيز موديل 88
 

هل السياره البولونيز مودل 88 تستحمل مشوار يومي من الهرم لاكتوبر رايح الصبح راجع اخر النهار لانها معروضه عليا بـ 15
و اخبار استهلاك البنزين ايه

رد: استفسار عن سياره بولينيز موديل 88
 

من حيث التحمل تستحمل و نص و تسافر أبعد من كده كمان
عربية من أفضل العربيات اللى تستحمل البهدله
خشنه شوية و هتبقى مرهقه شوية فى المشاوير الطويله و صوت المكنه عالى
بس المهم فى العربية الحاله بتاعتها, علشان لو تعبانه يبقى خسارة تدفع فيها مليم واحد.
البولونيز مش بياعه أوى زى إخواتها (من عائلة الفيات و اللادا)
لذلك المفروض تكون حالتها جيد جداً بالسعر ده

فى موديل من البولونيز كانت قطع غيارة نادرة جداً , مش فاكر كان 88 و لا 92 , بس كان فيه موديل قطع غيارة مش موجوده و لا حتى فى مخازن شركة النصر للسيارات.

توكل على الله و اكشف عالعربية كويس (الدواخل و الشاسية و العتب و المكنه و العفشة و ...) و صلى استخارة و متخافش, بإذن الله تقضى المشوار اللى بتسأل عنه و أكتر.

رد: استفسار عن سياره بولينيز موديل 88
 

متشكر جدا جدا و ربنا يباركلك و شكرا على سرعة الاستجابه