المساعدة في تاكسي شاهين بيقطع وبيضرب مدافع
 

الرجاء من سيادتكم المساعدة لأني فاض بي ولجأت الي النت لعدم وجود جدوي من الميكانيكيه
اولاً انا معي تاكسي شاهين 1400 موديل 2005 غاز وبنزين
ويوم الخميس الماضي اي من 4 ايام فصل مني كهرباء
وكان العيب من مشط الكهربا والموبينه كما قال لي الميكانيكي ساعتها وبعد تغييره ودوار السيارة اصبحت تقطع وتضرب مدافع
ثم قال لي ميكانيكي اخر بعد ضياع اول يوم في الصيانه انه يجب تغيير الاسبراتير وتركيب واحد عادي وشيل الالكتروني لكثرة مشاكلة وعليه غيرت الاسبراتير بعادي وغيرت الموبينه ثم غيرت ال4 بوجيهات والسلوك الخاصه بهم
ونفس العطل موجود فأتيت ب 2 كهربائي سيارات ولم يعرفا الحل بعد عمل عدة توصيلات لزيادة الكهرباء العمومية لانهم قالوا انها واطيه والغاز بيحب الكهرباء العاليا .
ثم قال لي الميكاني ان الاشياء ممكن ان تكون تالفة وعليه غيرت كل الاشياء مرتين بأفضل الانواع ثم جرب الميكانيكي من عنده حاجات من عربيات شغالة
ونفس العيب موجود ثم رجعت الاسبارتير الالكتروني مرة اخري ونفس العيب .
انا بقالي 4 ايام وصرفت فعلياً 700 جنيه حتي الان ونفس العيب ودي عربية اكل عيش عطلانه بقالها 4 ايام ومحدش عارف العيب
الرجااااااااااااااااااااا ااااااااااااااااااااااااا اااااااااااااااااااااء المساعدة بجد علشان انا تعبت وشكراً لكل من يقم المساعدة

رد: المساعدة في تاكسي شاهين بيقطع وبيضرب مدافع
 

على فكرة كان فى موضوع شبه كدا و طلع فى الاخر حاجة فى وش السيلندر و لازم يتفك عشان تتعمل
حدور على الموضوع و احط لك اللينك

رد: المساعدة في تاكسي شاهين بيقطع وبيضرب مدافع
 

الصراحة مش قادر اوصل للموضوع
بس ملخص الموضوع ان فيه عيب تصنيع فى وش السيلندر و بيحصل نفس الاعراض اللى عندك
و قعدنا فى المنتدى مع صاحب العربية لانه حصل كدا معاه بعد ما خد خبطة من تحت فى النص
و كنا كلنا شاكين فى حساس الكرنك يا الضفيرة بتاعته
بس لما راح التوكيل على طول قالوا حنفك وش السيلندر هما عارفين العيب اللى فى العربية

برضه حضرتك احنياطى بص على حساس الكرنك و القاعدة بتاعته و الفيشة و الضفيرة قبل ما نشك فى الوش

رد: المساعدة في تاكسي شاهين بيقطع وبيضرب مدافع
 

شاكر لكم وجاري المتابعة والرد عليكم

رد: المساعدة في تاكسي شاهين بيقطع وبيضرب مدافع
 

ممكن يكون البنزين مغشوش بالمياه لو حضرتك لسه مفول و بعدين حصل الموضوع ده

و ممكن يكون الكربراتير فيه حاجه مسدوده, مسارات أو بيكات, محتاج نضافه بس

طقم الكهربا لو مضبوط هيبان فى شرارة البوجيهات, إكشف على البوجيهات كل واحد لواحده, فك السلك بتاع كل بوجية و قربه من جسم المكنه و شوف الشرارة مضبوطه و لا بتقطع.
لو مضبوطه و مستمرة يبقى إبعد عن الكهربا كلها, كده تبقى بريئة و بص على أى سبب تانى.