مشكلة ولا مش مشكلة " مش عارف "
 

ازيكوا ياشباب

عندي حاجة في العربيه غريبه شوية هي ايييه هاقولكوا ,,

استلمت سيارتي الجديدة النترا 2015 المهم ان اول اما اشغلها و الار بي ام بيكون فوق ال600 لكن اول اما اشغل التكييف يطلع الار بي ام لحد 1000 وماينزلش وبحس بصوت الموتور ورجه بسيييطة خالص واول اما افصل ال AC العربيه تهدا خالص وتبقي تمام وينزل الار بي ام ل 600 للفه العادية والطبيعية

فاكنت عايز اعرف هل المشكلة ده عندي انا بس ولا هي العربيه نازلة فيها مشكله علما بأن العربيه لحد دلوقتي ماشية 311 كيلو متر فقط لا غير :w6w200504112220146b:w6w2 00504112220146b:w6w200504 112220146b

رد: مشكلة ولا مش مشكلة " مش عارف "
 

الوضع كده طبيعى ومفيش اى مشاكل .. ا عربية الـ RPM بتاعها بيعلى عند تشغيل التكييف علشان الموتور يفضل متوازن مع حمل الكمبريسور ..

برضو هتلاحظ لما تدور العربية وهيا بارده ارتفاع الـ RPM فوق الواحد ثم نزوله تدريجيا برضو ده امر طبيعى وفى صمام فى الموتور مسئول عن الموضوع ده اسمه صمام IDLE ...

رد: مشكلة ولا مش مشكلة " مش عارف "
 

دا وضع طبيعي جدا ..... بلاش القلق

رد: مشكلة ولا مش مشكلة " مش عارف "
 

امر طبيعي ان الار بي ام يكون على 1000 طول الوقت مع التكييف ومسبب الرجه البسيطة ده متأكدين ياشباب ؟؟؟؟؟

رد: مشكلة ولا مش مشكلة " مش عارف "
 

طبيعى جدا
لان لو شغلت التكييف والار بى ام فضل على 600 العربية ممكن تبطل والرجة هتزيد مش هتقل
اى حمل على الموتور بيعمل رجة بسيطة جدا وغير ملحوظه يعنى لو عربيتك اوتوماتيك وواقف فالاشاره على الD العربية برضه هيبقى فيها نفس الرجة