|
سخونه فظيعه جوه الصالون جايه من عند دراع فرامل اليد عربيتى دايو لانوس
السلام عليكم
عندى سخونه نار من عند دراع فرامل اليد روحت للميكانيكى قاللى شوف بتاع الشكمان روحت لبتاع الشكمان قاللى مفيش حاجه بس علبه الشكمان اللى ورا خالص عاوزه تتغير غيرتها وليسه السخونه زى ماهى روحت للكهربائى قاللى مش تبعى روح للسروجى يشوفلك السخونه دى من فين روحت للسروجى قاللى شوف صنايعى الفرامل روحتله قاللى مليش شغل فى المكان دا وانا حتجنن من السخونه دى معرفش جاتلى منين فياريت يارجاله اللى يعرف حاجه ميبخلش عنى بيها انا دخلنا فى الصيف وانا فى الاقصر العربيه بتبقى فرن من جوه والتكييف مبيقدرش يعمل حاجه |
رد: سخونه فظيعه جوه الصالون جايه من عند دراع فرامل اليد عربيتى دايو لانوس
شكمان يا باشا مفيش غيره فى المكان ده يا اما وده ابعد ابعد احتمال لاقدر الله مشكلة فى الفتيس بس لو الفتيس بيسخن للدرجة دى اكيد هتلاقى مشاكل فى ادائه فغالباً هى مشكلة شكمان ممكن تعمل عزل حرارى وتريح نفسك خالص
الموضوع ده هتلاقيه فيه تفاصيل كاملة عن العزل الحرارى لارضيه الانوس طريقة عزل صدر وارضية السيارة (دايو لانوس) . بالتفاصيل والصور طريقة عزل صدر وارضية السيارة (دايو لانوس) . بالتفاصيل والصور - مصر موتورز مجتمع السيارات |
رد: سخونه فظيعه جوه الصالون جايه من عند دراع فرامل اليد عربيتى دايو لانوس
اداء العربية فيه حاجة غريبة ؟
هو اللى بيسخن المنطقة ديى علبة البيئة بس عشان توصل للدرجة ديى بيبقى الشاكمان شبه مسدود و الماتور نفسه بيتخنق و يسخن |
رد: سخونه فظيعه جوه الصالون جايه من عند دراع فرامل اليد عربيتى دايو لانوس
علبة البيئة مسدودة بتاع الشكمانات بيشيل الكربون اللي فيها
|
رد: سخونه فظيعه جوه الصالون جايه من عند دراع فرامل اليد عربيتى دايو لانوس
والله نفس المشكله عندي في الفرنا ومفكرتش فيها بس غالبا مشكله عزل
|
| الساعة الآن 07:25 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017