علبة الرادياتير إتشرخت
 

وأنا راجع من إسكندريه إمبارح علبة الرادياتير العلوية إتشرخت

ذهبت لورشة الرادياتيرات على أمل الإصلاح أو التغيير للعلبه

ولكن المفاجأه هى:

الأسطى قالى إن رادياتير الإسبرانزا خامته طريه وبعد ما نغير العلبه ونديها سيلكون حرارى علشان تعمل جوان بترجع تجيب مياه من عند مكان التقفيل

لذلك الأفضل هو تغيير الرادياتير كله كامل بالعلب
طب التكلفه كام

قال لو تغيير العلبه ومش مسئول عنها 130 جنيه
تغيير الرادياتير بأخر صينى برده 450 جنيه

السؤال هل فعلا مينفعش لحام العلبه
ولو إتلحمت بتسرب ميه تانى وكأننا معملناش حاجه

وهل فعلا لازم نغير الرادياتير

وما هو سعر الرادياتير الحقيقى

وهناك سؤال مهم إذا كنا مضطرين لتغيير الرادياتير فعلا فهل يمكن التغيير برادياتير أخر يابانى أو كورى أجود من ناحية الخامه ولا إيه

برجاء الرد سريعا من الأساتذة الخبراء واصحاب التجارب
:thnkr:

رد: علبة الرادياتير إتشرخت
 

ألف سلامة على الريداتير
على فكرة أنا لسه مغير العلبه العلويه بعد مشوار أسكندرية
و الحقيقة الراجل فك الريدياتير و نضفه و سلكة كويس جدا لأنة كان ملين صدأ
و العلبة العلوية موجودة عند اللى بيصلح الريدياتير و ثمنها 60 جنية
و مش لازم تغير الريدياتير كله علشان علبه تمنها مش كبير
و بالمرة غير الميه و أهى صيانة
على فكرة الريدياتبير الكامل فى التوكيل ب 450 جنيه

رد: علبة الرادياتير إتشرخت
 

طب كويس طالما هناك امكانيه لتغيير العلبه فقط
و كمان سعر الريدياتير حلو اوووي في التوكيل
مبلغ ال 450 مقدور عليه
دايما افضل قطع السيارة الاصليه الا في اضيق الحدود
و يكون عن تجربه انك تركب حاجة كوري او يباني

رد: علبة الرادياتير إتشرخت
 

انا كنت جبت الريدياتير كامل بقميص المراوح ب400جنية من شارع دمشق والقربة مش غالية ومرة اتخرم ولحمتة بالنديد اللى هما انبوبتين بيتخلطو على بعض والحمد لله كويس ومش بيسرب مفيش حد عندة ضمير خالص

رد: علبة الرادياتير إتشرخت
 

تم تغيير الردياتير بالكامل والتكلفه 400 جنيه

فى الجيزة ــ الأسطى محسن