|
رحلة الى صحراء جبلية (محمية وادى دجلة) ... تقرير كامل بالتفاصيل والصور((الجزء الثانى))
السلام عليكم ورحمة الله وبركاتة
فى الموضوع دة هستكمل بقية احداث الرحلة اللى كانت فى الجزء الاول وبالنسبة للى متابع هيقرا الموضوع علطول لكن بالنسبة للى مش متابع فهيبقى كانة بيتفرج على فيلم لكن من نصفة التانى فضرورى يقرا الجزء الاول عشان تبقى الاحداث مفهومة بالنسبة لة لان الاحداث اللى جاية هيا تكملة للاحداث اللى حصلت فى الجزء الاول ودة الجزء الاول للى مش متابعة http://www.masrmotors.com/vb/showthread.php?t=124167 جدير بالذكر ان احنا قبل ما نخش المحمية اتفقنا اننا مش عايزين صور تذكارية عايزين صور عشوائية يعنى اللى ماسك الكاميرا يصور الاحداث كلها عشوائى من غير ما يقول لواحد اقف فى وضع معين عشان اخد لك صورة وكان معانا كاميرتين للتوثيق وصورنا بيهم عدد كبير جدا صور عشوائية . نكمل بقى الاحداث ــــــــــــــــــــ كان الجزء الاول انتهى واحنا واقفين قدام الكهف وفية نقاش من جدوى الدخول للكهف او من عدم الدخول خصوصا انة كان مظلم والنور داخل لحد 7 متر وبعد كدة ظلام دامس وبقيت محتار بين الدخول الى الكهف وبين الانصراف ثم ثم ثم قررت الدخول وشجعنى احد الاصدقاء على كدة http://i1342.photobucket.com/albums/...2.jpg~original http://i1342.photobucket.com/albums/...7.jpg~original http://i1342.photobucket.com/albums/...8.jpg~original http://i1342.photobucket.com/albums/...8.jpg~original واخدنا احتياطاتنا ودخلنا لحد اخر ضوء للشمس موجود فى الكهف فى المرحلة دى مكناش شايفين اى حاجة قدامنا كان مدخل الكهف ورانا على بعد 7 او 8 متر وكنا واقفين فى ظلام دامس وريحة غاز الميثان لا تتطاق وحرارة مرتفعة http://i1342.photobucket.com/albums/...3.jpg~original http://i1342.photobucket.com/albums/...8.jpg~original فاقترح صاحبى عليا انة ياخد لقطة بفلاش الكاميرا وبعدين نبص فى الكاميرا علشان نشوف الطريق وافقتة على فكرتة وكانت الحرارة لا تطاق وريحة غاز الميثان كريهة جدا http://i1342.photobucket.com/albums/...a.jpg~original دخلنا عميانى واحنا ماشيين بنحسس مواقع اقدامنا وفى نفس الوقت حريصين ان محدش يقع او يتجرح قطعنا كام متر وكانت درجة الحرارة بتزيد فى الارتفاع والطبقات الاسفنجية بتاعة فضلات الخفافيش موجودة فى كل مكان فاقترح ان احنا نقف تانى وناخد لقطة عميانى للمكان اللى قدامنا عشان نشوف احنا رايحين فين ورجعت ورا شوية عشان ادى مساحة واضحة لفلاش الكاميرا وكانت اللقطة دى واحنا مش شايفين اى حاجة خالص http://i1342.photobucket.com/albums/...7.jpg~original بصينا فى الكاميرا على الصورة اللى اتاخدت وعرفنا ان احنا عشان نكمل فى الكهف يبقى هنكمل زحف على بطوننا وندمت بشدة انى نسيت الكشافات الكبيرة اللى انا كنت مجهزها من اليوم اللى قبل الرحلة لكن على الوضع الراهن كان الدخول فى تجويف ضيق وسط ظلام دامس ودرجة حرارة مرتفعة ورائحة كريهة ومجهول منعرفش اية هوة خلف التجويف اللى فى نهاية الكهف كانت عملية مخاطرتها عالية جدا فقررنا الانسحاب عند المرحلى دى وخرجنا برة الكهف نستنشق هواء نقى ونزلنا من الكهف ورحنا على العربيات http://i1342.photobucket.com/albums/...e.jpg~original ركبنا العربيات ومشينا مسافة لحد ما لقينا يافطة مكتوب عليها منطقة تخييم فى المكان دة لقينا مفترق طرق http://i1342.photobucket.com/albums/...3.jpg~original يعنى من اول المحمية واحنا ماشيين على مدق واحد لكن هنا كان لازم ناخد قرار نكمل علطول ولا ناخد الطريق الفرعى الجديد طلعت بالعربية لاقصى ارتفاع ممكن تتحملة الانوس (لانها جر امامى) ونزلت منها وكملت طلوع الجبل على رجليا عشان اعرف الطريق الفرعى دة ظروفة اية http://i1342.photobucket.com/albums/...6.jpg~original وبعد ما وصلنا لاعلى مكان فى الجبل فى المكان دة اكتشفنا ان دة طريق مقفول وان الطريق لافف حوالين الجبل اللى احنا فوق منة وفى النهاية سد وان احنا لازم نكمل على المدق الرئيسى اللى ماشيين علية http://i1342.photobucket.com/albums/...b.jpg~original http://i1342.photobucket.com/albums/...e.jpg~original نزلنا من على الجبل عشان نكمل فى الطريق بتاعنا عادى http://i1342.photobucket.com/albums/...7.jpg~original طولنا بالعربيات لقدام لحد ما لقينا مكان زى ما يكون كان مخرات للسيول او حاجة زى كدة http://i1342.photobucket.com/albums/...e.jpg~original مشينا على رجلينا شوية نتمشى فى المكان وكان الغريب فعلا ان احنا نلاقى اصداف بتاعة قواقع مياة عذبة حاجة كدة زى اللى بنلاقيها فى الترع والمصارف فى القرى والريف http://i1342.photobucket.com/albums/...1.jpg~original وكانت حاجة غريبة فعلا مش لاقى ليها تفسير اللى انا اعرفة ان القواقع دى زيها زى اى كائن حى ليها دورة حياة وكدة (ولادة ... تكاثر ...حياة ....موت) ودورة الحياة دى اكيد مش يوم واحد دى اكيد فترة من الزمن الحاجة المهمة جدا ان القواقع دى بتعيش فى المية العذبة يعنى معنى كدة انها مش هتعيش دورة حياتها على يوم او يومين بيحصل فيهم سيول (دة على افتراض ان فى سيول فى محمية وادى دجلة) ..................... مش عارف بصراحة اية يعنى الوديان اللى احنا ماشيين فيها دى كانت انهار فى غابر الزمان وعصور ما قبل التاريخ يعنى احنا دلوقتى ماشين بالعربيات فى قاع نهر جف تماما ملقتش تفسير مقنع فحطيت الصدفة بتاعة القوقعة فى جيبى وركبنا العربيات تانى وكملنا لقدام http://i1342.photobucket.com/albums/...d.jpg~original http://i1342.photobucket.com/albums/...1.jpg~original http://i1342.photobucket.com/albums/...1.jpg~original مشينا فترة لحد ما لقينا كهف على يمين الطريق بس كان على ارتفاع 5 طوابق على الاقل مش بس كدة كانت المنطقة اللى تحت منة منطقة انهيارات صخرية http://i1342.photobucket.com/albums/...2.jpg~original وزى كل مرة ركنا العربيات وحمى التسلق اجتاحت الجميع http://i1342.photobucket.com/albums/...f.jpg~original http://i1342.photobucket.com/albums/...2.jpg~original http://i1342.photobucket.com/albums/...3.jpg~original http://i1342.photobucket.com/albums/...f.jpg~original وصلت لفوق الاول ولاحظت الصعوبة الشديدة فى تسلق الجبال اللى فيها انهيارات صخرية لدرجة ان اخر 10 متر من الجبل قبل ما اوصل للكهف كنت بطلع الجبل على ايديا ورجليا مع بعض (وضع شبة زاحف) وبرضو اصدقائى عملو نفس الوضع عشان يعرفوا يطلعوا http://i1342.photobucket.com/albums/...c.jpg~original http://i1342.photobucket.com/albums/...c.jpg~original http://i1342.photobucket.com/albums/...c.jpg~original http://i1342.photobucket.com/albums/...c.jpg~original وطلعنا كلنا للكهف واتجمعنا كلنا http://i1342.photobucket.com/albums/...8.jpg~original http://i1342.photobucket.com/albums/...4.jpg~original وكانت اول حاجة نبص عليها هيا ريحة غاز الميثان بتاع فضلات الخفافيش فى الكهف ولحسن الحظ ملقيناش الريحة بس كان فية رطوبة فى الكهف ودة معنا حاجات تانية معناة ذوات الدم البارد يعنى الثعابين http://i1342.photobucket.com/albums/...7.jpg~original http://i1342.photobucket.com/albums/...b.jpg~original http://i1342.photobucket.com/albums/...2.jpg~original http://i1342.photobucket.com/albums/...3.jpg~original استكشفنا الكهف باستعجال عشان القلق وعشان كنا بدانا نجوع من كتر المجهود وخصوصا ان احنا بقالنا 3 ساعات طلوع ونزول للجبال وبدانا ننزل من الكهف وهنا فية حاجة لازم اقولها حصلت بس محدش كان فاضى يصور النزول على الانهيارات الصخرية من عند الكهف كان اصعب من الطلوع بكتير لدرجة ان احنا اضطرينا ننزل على ايدينا ورجلينا بس على ضهرنا يعنى كأن الواحد نايم على ضهرة بس ساند ورافع جسمة على ايدية ورجلية ودى كانت الوضعية الوحيدة عشان نعرف ننزل بامان بعد ما نزلنا من عند الحتة بتاعة الانهيارات الصخرية ومشينا على رجلينا لمحت صخرة صغيرة فى حجم نصف كورة قدم تقريبا لكن كان شكلها غريب كانت مليانة ثقوب فى كل حتة منها وفى كل الاتجاهات ولونها رصاصى داخل على اسود واحد من اصحابى قالى دى ممكن تكون نيازك من اللى بتقع على الارض قلت اشطة ...... هحتفظ بيها كتذكار واعملها طفاية سجاير لو ضيف جالى بيشرب سجاير واقولة انى جايب لة طفاية سجاير ملهاش مثيل...... سافرت ملايين السنوات الضوئية فى الفضاء الخارجى لتستقر تحت ايدة (كنوع من واجب الضيافة يعنى....هههههه) لما نزلنا تحت حطيتها فى العربية فى الكنبة اللى ورا فى الدواسة ولما روحت البيت قلبت الدنيا عليها ملقتيتهاش مع انى متاكد انى حاططها بايدى فى الدواسة اللى ورا ومتمم عليها قبل ما نطلع من المحمية اخر اليوم دى كانت تانى حاجة تحصل فى اليوم دة ومش لاقى ليها تفسير وصورة الحجر الغريب كان تقريبا زى كدة http://i1342.photobucket.com/albums/...e.jpg~original بس كان حجمة اصغر وكان لونة اغمق ومليان ثقوب من كل ناحية اكتر من دة المهم اتجمعنا تحت وركبنا العربيات وكملنا http://i1342.photobucket.com/albums/...1.jpg~original بس كنا بندور على مكان مناسب ننصب فية الخيمة عشان كنا كلنا تعبنا وعايزين نرتاح شوية ونتغدى وفضلنا ماشيين لقدام مسافة طويلة لحد ما لقينا مكان فية مساحة فاضية والجبل كان رامى ضل كبير فلقيت نفسى مش محتاج انصب الخيمة وقفنا العربيات فى الضل وبدأنا نطلع الحاجات اللى معانا ونجهز للغدا وكل واحد فينا بيعمل حاجة واسيبكم مع الصور http://i1342.photobucket.com/albums/...d.jpg~original http://i1342.photobucket.com/albums/...4.jpg~original http://i1342.photobucket.com/albums/...5.jpg~original http://i1342.photobucket.com/albums/...f.jpg~original http://i1342.photobucket.com/albums/...1.jpg~original http://i1342.photobucket.com/albums/...1.jpg~original http://i1342.photobucket.com/albums/...f.jpg~original http://i1342.photobucket.com/albums/...7.jpg~original http://i1342.photobucket.com/albums/...2.jpg~original http://i1342.photobucket.com/albums/...6.jpg~original http://i1342.photobucket.com/albums/...b.jpg~original http://i1342.photobucket.com/albums/...7.jpg~original http://i1342.photobucket.com/albums/...4.jpg~original http://i1342.photobucket.com/albums/...d.jpg~original اتغدينا وشربنا الشاى واللى بيشرب شيشة شرب شيشة واستريحنا شوية وبدانا نلف فى المكان اللى احنا عسكرنا فية ونستكشفة واكتشفنا بالصدفة ان احنا ف نهاية المدق يعنى مفيش طريق بعد كدة للعربيات يعنى لو هنكمل هنكمل على رجلينا لان المكان كان بدأ ياخد شكل وادى الجراند كانيون بصخورة الغريبة والنحت الطبيعى العجيب والتقطنا بعض الصور التذكارية |
رد: رحلة الى صحراء جبلية (محمية وادى دجلة) ... تقرير كامل بالتفاصيل والصور((الجزء الثانى))
لان المكان كان بدأ ياخد شكل وادى الجراند كانيون بصخورة الغريبة والنحت الطبيعى العجيب والتقطنا بعض الصور التذكارية http://i1342.photobucket.com/albums/...2.jpg~original http://i1342.photobucket.com/albums/...d.jpg~original بعد ساعة تقريبا لمينا الحاجة بتاعتنا فى العربيات تانى وقفلنا العربيات ومشينا ورا بعضنا فى سرب باتجاة الاخدود الصخرى اللى كنا شفناة واحنا بنتغدى http://i1342.photobucket.com/albums/...7.jpg~original http://i1342.photobucket.com/albums/...d.jpg~original http://i1342.photobucket.com/albums/...1.jpg~original http://i1342.photobucket.com/albums/...d.jpg~original http://i1342.photobucket.com/albums/...2.jpg~original هنا كنا وصلنا لنهاية الوادى اللى كنا ماشيين فية ومرحلة تسلق الجبال انتهت احنا كنا قدام اخدود صخرى بين جبلين والمفروض ان احنا نتسلقة ونطلع لفوق على الهضبة بس الموضوع مكانش بالسهولة دى كان كل اللى اتسلقناة حاجة والاخدود دة كان حاجة تانى لانة كان زلق جدا وصخورة حادة جدا والمفاجأة لقيت فية برك مية وعشان تبقى متخيل صعوبة التسلق انا هسبق الاحداث واحط لك صورة من فوق خالص للاخدود عشان تعرف صعوبة تسلقة والخطورة الفعلية فيها http://i1342.photobucket.com/albums/...0.jpg~original حاجة مفيهاش هزار زى ما انت شايف واحد مننا بيكافح عشان يطلع والاخدود وراة مستعد يبلعة فى كلمة والى رجلة او ايدة هتفلت يبقى شكرا طيب يا ترى هنعرف نتسلقة كلنا ولا ناس هتعرف وناس لأ واللى هيتسلق هيطلع فوق سليم ولا بجروح واصابات وخدوش ولا ولا ولا . . . . . . . . . . . . للاحداث بقية فى الجزء الثالث والاخير |
| الساعة الآن 09:34 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017