مصر موتورز مجتمع السيارات - أشتريت Accent RB و الاستلام بعد شهر .. عندي شويه استفسارات

مصر موتورز مجتمع السيارات (https://www.masrmotors.com/vb/index.php)

- Hyundai Accent - اكسنت ار بى RB الجيل 4 (اهم الموضوعات) (https://www.masrmotors.com/vb/forumdisplay.php?f=183)

أشتريت Accent RB و الاستلام بعد شهر .. عندي شويه استفسارات

السلام عليكم جميعا

النهارده رحت غبور فرع قليوب دفعت تمن Accent RB أول فئه أتوماتيك بـ123500 بدل من 126000 علشان خصم الـ2500 جنيه و الخصم ساري لحد آخر الشهر

طبعا العربيه مش موجوده و حاليا الدفعه الجديدة في المنطقة الحرة و هتخرج في خلال اسبوعين بس انا مهيأ نفسي ان مش هستلم قبل شهر مثلا ...

عندي شويه استفسارات اتمني اني الاقي اجابه عليها

1 - شركة التأمين ؟؟!! أأمن علي العربيه مع انهي شركة تأمين , غبور نفسهم عندهم تأمين بـ4% سنويا شامل كل حاجه و جوه القاهره اي حادثة لا قدر الله بيبعت الونش ياخدها و لحد 10000 جنيه بدون محضر و طبعا بما انه التوكيل ف مش مطالب اني ادفع اي مبالغ ,, طبعا ده كلام البائع في الفرع الله اعلي و اعلم مدي صحته ايه .

2 - الجنوط : هل تنصحوني بتجنيط العربيه اول ما استلمها و ارخصها ؟؟! و ايه هي الحاجات اللي المفروض اراعيها في الجنوط عند شراؤها و فين احسن مكان اجيب منه الجنوط تكون كويسه سعرا و شكلا و كل حاجه ,,, لو حد يقدر يفيدني تقريبا هدفع قد ايه اكون شاكر جدا

3 - فوانيس الشبورة : سألته علي فوانيس الشبوره و قاللي انهم هيعملوا في حدود 1500 جنيه بيركبوهم في قسم الهياكل بتاعهم و لو ركبتها جوه التوكيل ف طبعا مفيش مشكله في الضمان لأن محدش لعب في كهرباء العربية

4 - العربيه بييجي معاها استبن , شنطه العدة , مفتاحين ... يا تري في حاجه تاني ابص عليها ؟!

5 - عايز اعمل فرش للعربيه علشان ما ابهدلش الفرش بتاعها ,, هل في مكان معين تنصحوا بيه ؟ هل في خامه معينه بتستحمل و اعتماديه تنصحوني بيها ؟؟ التكلفه تكون في حدود كام تقريبا ؟!

6 - العربيه كوري بالكامل و مفيش اي حاجه فيها نهائي خالص مصري

7 - الالوان المتوافرة منها في الدفعه الجديدة اللي جاية : فضي ابيض اسود فيراني احمر/نبيتي + لون عجيب جديد كده ما اعتقدش انهم هيبيعوا منه عربيه واحده حتي زي اللي في الصوره كده ,, مفيش اللون السماوي/اللبني الفاتح

http://liveimages.carsales.com.au/ca...=139&width=208

شكرا جزيلا و في انتظار مساعدتكم و جزاكم الله كل خير ....

رد: أشتريت Accent RB و الاستلام بعد شهر .. عندي شويه استفسارات

بالتوفيق ومبروك مقدما

رد: أشتريت Accent RB و الاستلام بعد شهر .. عندي شويه استفسارات

اقتباس:

1 - شركة التأمين ؟؟!! أأمن علي العربيه مع انهي شركة تأمين , غبور نفسهم عندهم تأمين بـ4% سنويا شامل كل حاجه و جوه القاهره اي حادثة لا قدر الله بيبعت الونش ياخدها و لحد 10000 جنيه بدون محضر و طبعا بما انه التوكيل ف مش مطالب اني ادفع اي مبالغ ,, طبعا ده كلام البائع في الفرع الله اعلي و اعلم مدي صحته ايه .

بالنسبة للتأمين لازم تهتم بيه جداً وتهتم اكتر بشروطة يعنى فيه نسبة تحمل ولا لاء والتفاصيل ديه علشان لا قدر الله لو احتجتله تبقى عارف هيغطى كام بالظبط احنا عندنا قسم كامل عن عروض شركات التأمين ممكن تبص عليه وتاخد فكرة
http://www.masrmotors.com/vb/forumdi...esc&sort=views

اقتباس:

2 - الجنوط : هل تنصحوني بتجنيط العربيه اول ما استلمها و ارخصها ؟؟! و ايه هي الحاجات اللي المفروض اراعيها في الجنوط عند شراؤها و فين احسن مكان اجيب منه الجنوط تكون كويسه سعرا و شكلا و كل حاجه ,,, لو حد يقدر يفيدني تقريبا هدفع قد ايه اكون شاكر جدا

لو نفس المقاس ومعاك ميزانية يبقى توكل على الله
احسن مكان فى رائى اشرفكو وليه فروع فى المطرية وجسر السويس ومدينة نصر هو نفسه مستورد وهتلاقى عندة تشكيلة كبيرة وعن تجربة جنوط عملية جداً ومظبوطة وطبعاً السعر على حسب المقاس انا كنت جايب من كام سنة ال 14 الطقم ب 1200 تقريباً معرفش وصل كام دلوقتى

اقتباس:

3 - فوانيس الشبورة : سألته علي فوانيس الشبوره و قاللي انهم هيعملوا في حدود 1500 جنيه بيركبوهم في قسم الهياكل بتاعهم و لو ركبتها جوه التوكيل ف طبعا مفيش مشكله في الضمان لأن محدش لعب في كهرباء العربية

ميه مية توكل على الله حتى ولو زيادة بس تبقى ضامن تقفيلهم

اقتباس:

4 - العربيه بييجي معاها استبن , شنطه العدة , مفتاحين ... يا تري في حاجه تاني ابص عليها ؟!

والكوريك هو بيبقى وحش بس لحد ما تبقى تجيب واحد تمساح وكتيب الضمان والمنيوال واذا فيه ضمان او مانيوال خاص بالبطارية بالكاسيت

اقتباس:

5 - عايز اعمل فرش للعربيه علشان ما ابهدلش الفرش بتاعها ,, هل في مكان معين تنصحوا بيه ؟ هل في خامه معينه بتستحمل و اعتماديه تنصحوني بيها ؟؟ التكلفه تكون في حدود كام تقريبا ؟!

سبير كار وليه فروع فى مدينة نصر ووسط البلد والتجمع الخامس
التكلفة على حسب الخامات طبعاً وهتعمل الفرش بس ولا الارضيه كمان
انا مرتين اعمل عندة فرش وارضيات كاملة خامات ممتازة فى رينج 1000 - 1200

اقتباس:

6 - العربيه كوري بالكامل و مفيش اي حاجه فيها نهائي خالص مصري

المفروض اه بس ممكن يحط بطاريات او كاوتش والحاجات المستهلكات ديه
لازم تتاكد منهم بنفسك الستوك اللى جاى ده ظروفه ايه :)

اقتباس:

7 - الالوان المتوافرة منها في الدفعه الجديدة اللي جاية : فضي ابيض اسود فيراني احمر/نبيتي + لون عجيب جديد كده ما اعتقدش انهم هيبيعوا منه عربيه واحده حتي زي اللي في الصوره كده ,, مفيش اللون السماوي/اللبني الفاتح

اللون النبيتى بيبقى حلو اوى فيها ولو بتحب الفواتح يبقى شوف الفضى او السكاى جراى او الرمادى السماوى

رد: أشتريت Accent RB و الاستلام بعد شهر .. عندي شويه استفسارات

اوعى تصدق حد يقولك اللون الاحمر فيها حريمى بوتين نفسه متصور وهو راكب الحمراء :260309~352:

http://www.masr1.com/di/5NVX/2012-Hy...ssia-Putin.jpg

http://images.thecarconnection.com/h...00448215_h.jpg

http://img.favcars.com/hyundai/accen...ent_2010_1.jpg

http://cella.dealersolutions.com.au/...f132e43b.3.jpg

رد: أشتريت Accent RB و الاستلام بعد شهر .. عندي شويه استفسارات

تانى اجمل لون بعد الاحمر

http://ramsis-group.com/frontend/rea...11-700x400.jpg

http://upload.wikimedia.org/wikipedi...--_NHTSA_2.jpg

البدى كيت ديه تحفه

http://www.masr1.com/di/JA06/f1c55d6...bf3cf85152.jpg

ثم الفضى

http://indianautosblog.com/wp-conten...a-Accent-7.jpg

http://i.ebayimg.com/00/s/NDI2WDY0MA...TIbwG/$_75.JPG

ومبروووووووووك مقدماً
:balloons71: :balloons71: :balloons71: