مصر موتورز مجتمع السيارات

أنا مش هأعيب فيها لأنها أوبشنز بدون عربيه
بس هأقولك حاجه
العربية دى تقريباً ملهاش غير مركز بيع فى الأسكندرية و التوزيع فى أى معرض بعد كده عادى
العربية مليانه أوبشنز بس 2 سلندر (يعنى فسبا بالمعنى الحرفى)
فى منها طراز تانى 4 سلندر 1300 CC
بس المشكله الأولى و الأخيرة ليها ,,, قطع الغيار
مش موجوده نهائى (ممكن توفق لها من عربيات تانية بس مش حاجتها)
و ده معناه إنها لو باظت (أى عطل محتاج قطع غيار) هتتعبك أوى.
و ده برضة إللى بيدى سعر لأى عربيه فى مصر (قطع الغيار و أسعارها و توافرها)
- ده إللى عامل للـ 128 و اللادا و إخواتهم قيمه
- و ده إللى مخلى الدايو لانوس (الكورى- المصرى) أغلى من الفولكس بولو
و ده إللى مضيع عربيات محترمه كتير فى مصر و مش عاملها سوق حلو و عربيات تانية متسواش عاملها قيمه و سعر و سهولة صيانه و سوق.

خليك فى الماروتى أحسن