المكملات الغذائية
 

السلام عليكم
هل المكملات الغذائية ليها اى اضرار خصوصا للسن الصغير من 8 سنوات وحتى 16 سنة
ولو ملهاش اى اى اضرار اية احسن انواع او اسماء المكملات الغذائية ويا ريت لو مستوردة

رد: المكملات الغذائية
 

و عليكم السلام و رحمه الله و بركاته .
المكملات الغذائيه بتبقي امنه لانها من مصادر طبيعيه .
و ملهاش اضرار لا علي سن صغير او كبير , بس حدد سيادتك عايز مكمل غذائي لايه .؟.
فيه مثلا مكملات غذائيه كبسول للكبد ( ليفر البيومين بلس ك و غيره كتيرررررر ) و فيه للبروستاتا ( بيبون عاده و بلس كبسول و غيره ) .
و فيه مكملات غذائيه مقويات و دي بتبقي غذاء ملكات مع زيت جنين القمح .
بالنسبه لمكملات الاطفال .؟.
بتبقي اشربه مقويات للجسم و فاتح للشهيه و دول اصناف كتيره .
و فيه للكبار و الاطفال حاجه زي جروث فورميلا ( فيه منه كبار و اطفال ) او ايجي جروث , و ده عباره عن احماض امينيه و بيضاف ملعقه لكوب اللبن او عصير صباحا و مساءا .

رد: المكملات الغذائية
 

شكرا دكتور nktis
انا بتكلم او بقصد المكملات اللى بيخدوها بتوع الحديد معرفش اسمها امونيا او امونيوم او حاجة زى كدة
الهدف هى لابنائي لانهم رفيعيين جدااااااااا وبحس ان احيانا وشهم اصفر

رد: المكملات الغذائية
 

رد: المكملات الغذائية
 

طالما مشكله نحافه فحضرتك الاول تعملهم تحليل براز نشوف الاول لو فيه ديدان او اميبا نعالجها و بالمره صوره دم نعرف اذا كان فيه انيميا ام لا .
بعد كدا , بندي فاتح شهيه و مهضم شراب قبل الاكل ثلاث مرات + جروث فورميلا مرتان يوميا .
بالنسبه لبتوع الحديد فبلاش .؟.
هما بياخدوا كبسولات احماض امينيه بس بتبقي تركيزاتها اعلي من اللي في جروث فورميلا و الاخطر انهم بيحقونوا نوع كورتيزون بيجي مستورد مع هرمون ذكوري ( تستوستيرون ) عشان يزود بناء العضلات و ده اكبر غلط .؟. الكورتيزونات و معروف اضرار الاستعمال المتكرر و الهرمون كتر حقنه بياثر علي اللي بتفرزه الخصيه فبيعمل ضعف جنسي .