ايه هو افضل نوع بوجيهات للفولفو-224 سنه 1976
 

سلام عليكم و رحمة الله و بركاته
سؤال مهم جدااا
لان انا حيران في موضوع ده
ايه هو افضل نوع بوجيهات للفولفو-224 سنه 1976
علشان كل شهر او شهرين بغير بوجيه في عربيه لغايط متعلمت ازي اغيره منغير اروح لمكانيكي
فا عايز افاده هامه اجيب منين افضل و احسن نوع بوجيهات
اسم بوجيه كويس اايه
سعره بوجيه كام
و اجيب بوجيه سنه طويل و لا قصير
و مكانيكي بيقولي مطورك خفيف جيب كرسي للبوجيه فا كلام ده صحيح و لا غلط
علشان انا عايز اجيب حاجه تكون صح للعربيه

رد: ايه هو افضل نوع بوجيهات للفولفو-224 سنه 1976
 

حضرتك أنا هأتكلم بوجه عام مش على الفولفو بس...
حضرتك بتغير بوجيهات كتير ليه؟
1- هل بتلاقى زيت على سن البوجيه لما بتغيره (سن البوجيه مش القلاووظ إللى فى جسم البوجيه)
2- هل بتلاقيه مهبب كربون و مغطى السن كله

لو الحاله1: يبقى الموتورخفيف و محتاج يتفتح علشان كبس البساتم مش تمام و بيدخل زيت على غرف الحريق. (شنبر يعنى), مبدئياً ممكن تحط زيت تقيل عليه علبة زيت شنبر أبرو و تجيب بوجيهات سن قصير (الكلام ده كله مسكّنات مؤقته لحد متجهز نفسك لمصاريف العمرة)

الحالة2: يبقى ضبط نسب الهوا و البنزين من الكربراتير أو الإنجكشن بايظ و محتاج إعادة ضبط, و ضبط الكهربا بالمرة (لو إشعال إبلاتين و كوندنسر مش إلكترونى)

لو معندكش مشاكل فى 1 أو 2 بس بتشتكى من نوع البوجيهات نفسها يبقى أى نوع بس يكون أصلى و من التوكيل بتاعه لأن السوق كله مضروب

رد: ايه هو افضل نوع بوجيهات للفولفو-224 سنه 1976
 

انا موافق تماما على كلام حضرتك ....
هو حضرتك كنت بتستعمل بوجيهات ماركتها ايه ؟؟ و بتظبط فتحتها على كام ؟ سن قصير و لا سن طويل ؟
عذرا .... انا بسأل علشان احتمال موتور الفولفو يكون مختلف .. و بيركب له نوع خاص من البوجيهات

رد: ايه هو افضل نوع بوجيهات للفولفو-224 سنه 1976
 

متشكر علي المعلومات
بس بلاقي زيت على سن البوجيه لما بتغيره و كمان مهبب كربون و مغطى السن كله