الى الاستاذ mragab لادا 2107 موديل 2003
 

حاولت ابعتلك رسالة ردا على رسالتك لكن فى مشكلة مقبلانى
دورت على اى مشاركة ليك فى قسم لادا للاسف ملقتش
فاسمحلى ارد عليك هنا (فى موضوع جديد )
عليكم السلام ورحمة الله وبركاتة
فعلا طالما البوجية بيغرق زيت يبقى مهما غيرت بوجيهات هاترجع تعرق تانى
يبقى الحل العملى اننا نمنع مصدر الزيت
مصدر الزيت حاجة من اتنين
اما طقم جلد صباب او
طقم شنبر للبساتم
ولو عملنا طقم السنبر يبقى لازم نعمل جلد الصباب

لو الميكانيكى ثقة ومحترم يبقى توكل على الله وفك الموتور اعملة طقم شنبر
وودى الوش للخراط يظبطة من تنضيف ورودية وكاوتش او جلد صباب
بس لو تتعب شوية عشان ما نتعبش فيما بعد وتعمل دلايل للصبابات
لان وخد بالك احيانا جلد الصباب بيكون سليم ولكن الدليل نفسة هو اللى بيكون بيسرب زيت فانا من راى نعمل الصح ونخلى الخراط يعمل طقم دلايل للصبابات
ازيدك من الشعر بيت
لو الخراط محترم وناوى يخدمك يبقى يعمل طقم الدلايل زى اليابانى بمعنى
يعمل حز او طبق او جزء بارز فى جسم الدليل من الخارج عشان لما يتشحط فى وش السلندر الجزء البارز دة بيعمل زى اويل سيل وبتضمن تماما ان الصباب عمرة ما هايسرب زيت
لو عاوز خراط اوشاش انا تحت امرك بس يفضل ان الميكانيكى هو اللى يقترح عليك خراط تفاديا لاى مشاكل مستقبلية
تانى حاجة طقم الشنبر حاول على قد ما تقدر تجيب اغلى حاجة فى السوق
هتلاقى عند ملك الشنابر اللى فى التوفيقية ماركات كتير حاول تجيب اغلى حاجة لان المضروب كتير اوى
وسمى وعلى بركة الله وما اوصيكش بالنضافة والتليين
واى سؤال اثناء العمل انا تحت امرك

رد: الى الاستاذ mragab لادا 2107 موديل 2003
 

نصائح غالية جدا .. ومفيدة جدا ..

رد: الى الاستاذ mragab لادا 2107 موديل 2003
 

اولا الف الف شكرا على اهتمامك بالموضوع وانا بجد اشكرك لانك بجد عندك علم ومعلومات مهمة جدا وبتفيدنا بيها ربنا يكرمك ويرزقك ويزيدك من فضلة
بص يا استاذى انا من الجيزة واعرف التوفيقية ولكنى انا الان مقيم فى العجمى فى الاسكندرية ناس اصدقائى دلونى على ميكانيكى ثقة ...
انا اتفقت معاه على يوم الاتنين الجى على انة يفك الماتور ..
انا همشى معاه خطوة بخطوة ووياريت تجاوبنى على الاسئلة دى
اولا ... الافضل انة يفك الماتور خالص يطلعة من العربية عشان غسيلة وكمان بالمرة شد السير الجنزير ؟
ثانيا ... العربية موديل 2006 انجيكشن روسى عاملة 85.000 كيلو واول مرة تفك
لو محتاجة طقم شنبر اجيب بالمرة دلايل ولا اية ؟
ثالثا .... اغير طلمبة المية وطلمبة الزيت ولا اية ؟
رابعا ....... اية الحاجات التانية اللى ممكن تتعمل لو مخرطتش عشان تحسن العربية للافضل


انا شاكر جدا ليك يا استاذنا ....

رد: الى الاستاذ mragab لادا 2107 موديل 2003
 

اولا :الافضل يطلع الموتور خارج العربية
ثانيا: لا العربية جديدة ولا اعتقد انها تحتاج دلايل
ثالثا: غير طلمبة المياة وابقى على طلمبة الزيت واللى ممكن تغيرة ترس طلمبة الزيت اللى تحت الاسبراتير
رابعا: راجع على حالة اسطوانة الدبرياج او على الكلاتش عموما
بالتوفيق

رد: الى الاستاذ mragab لادا 2107 موديل 2003
 

الى الاستاذ استرا
اشكرك شكرا جزيلا على اهتمامك بالموضوع
انا روحت الاحد عند الميكانيكى 9 مارس
فكينا الماتور وخرجناه برة العربية
وحلينا حتة حتة اول حاجة البستم الاول .... والرابع فيهم بوش
طبعا محتاجة طقم شنبروطقم جوانات .... السبيكة سليمة .... الديسك والاسطوانة سلام .... الجنزير كان عامل صوت اتارى شداد اتكسر هجيب بردوا اتنين شداد
طلمبة المية سليمة .....
دعواتك
قولى هليين قد اية ولو ليك اى ملاحظات قولى وشكرا جزيلا مرة اخرى