أحجز 301 ولا استنى f3 bydالشكل الجديد
 

أعزائى أعضاء المنتدى مشورة لوجه الله أنا عايز عربية ماتيك ومنتظر بقالى 3 سنين من ساعه ما بعت ال 127 من غير عربية وده لأنى محتار من ناحية علشان عايز افضل اختيار فى حدود امكانيات متوسطة فعايز عربيه اعتماديه مفيش منها وجع دماغ وفى نفس الوقت شكل شيك اعوض صبر الانتظار وفى نفس الوقت كنت بحوش وبعد لف و دوران فى كل اقسام المنتدى رسيت على واحده من اليتنين دول ولو كان فى f3 أوتو تقفيل بلدها كنت جبتها لأن التقفيل المحلى عامل زى البطيخة وأنت وبختك فبقول يمكن الموديلات الى الجاية يتوفر فيها طلبى وابقا وفرت على نفسى حوالى 45000 جنيه فرق سعر عن البيجو 301 أوتوماتيك أنا أولى بيهم ولا رأيكو ايه وآسف للإطالة

رد: أحجز 301 ولا استنى f3 bydالشكل الجديد
 

بص المقارنه صعبه شويه دى هاتشباك صغيره ودى تكنولجيا مختلفه تماما بس انا ليا رأى العربيه لو انت هتستخدمها باستمرار مشاوير وسط البلد واستخدام فردى يبقى البى واى دى ........لو طريقك فى سفر كتير وسرعات يبقى البى واى دى مش هاتنفع خالص

رد: أحجز 301 ولا استنى f3 bydالشكل الجديد
 

طب 190/كم س على طريق شرم ينفع..
وﻻ ﻻزم اقفل اﻻمبير عشان نقول byd
بتجرى وتسحب زى اى عربية..

رد: أحجز 301 ولا استنى f3 bydالشكل الجديد
 

على فكره يارجاله ان كان قصدى البى واى دى الهاتشباك byd f0

رد: أحجز 301 ولا استنى f3 bydالشكل الجديد
 

على فكرة لسة BYD F0 منزلتش اوتوماتيك
انا كنت هناك فى شركة الامل وشوفت موديل 2014 وليقتها مانيوال بـ 60 الف جنيه وسألت قالولى لسه مستوردوش الاوتوماتيك من الصين
وخد بالك الـ F0 تقفيل صينى ومفيهاش حتة مصرى يعنى بتاعة بلدها ومش تقفيل مصرى :fun_36_1_39[1]: