مصر موتورز مجتمع السيارات - العربيه الاصيله خرفت

كنت ماشى بالعربيه على 140 وكان معايا امى واختى الصغيره وصلتهم مكان ما كانوا عايزيين وانا راجع مشيت بقى لوحدى على150 او اكتر فجأه لقيت العربيه زى التعبان ومش قادر اتحكم فى الدركسيون كان بيتحرك بقوه واكلت حفره راحت الركبه الى فوق الكاوتش اليمين قدام اتخلعت وعماله تطأطأ وراحت مبطله ونتيجه النزول فى الفحره الوطاش يتاع البطاريه فصل فجيت ادور وهى ماشيه مش بتدور جيت اديها غيار واسيب دبرياش مكنتش راضيه تدور والفتيس هيتكسر ونتيجه ان العربيه مبطله الفرامل كان ناشف جدااااااااااا وكل ده حصل فى لحظات وفجأه لقيت مطب وعليه تلات عربيات قمت واقف على الفرامل ومكلبش فى الدركسيون راح الكاوتش اليمين قدام لعب جامد مهو مكسور روحت طالع على الرصيف قدام المعهد التكنولوجى العالى بالعاشر من رمضان الحمد لله نزلت سليم بس ركبى مش شايرانى نزلت من العربيه لقيت الصاج سليم 10000% بقيت مندهش هو انا كنت بحلم وانا سايق ان العربيه اتبهدلت ولا ايه روحت فاتح الكبوت قعدت اخبط وارزع لحد ما دارت قمن نازل بيها من على الرصيف واحدة واحده روحت اميكانيكى وهم محلات كتير كدا جنب بعض ميكانيكا وسمكره ودوكو وكله وديتهالهم وهما عارفنى قالولى هى تاخد شويه عند الميكانيكى وشويه سمكره للرفرف والركبه ودهان ونعالى خدها بعد ساعه قولت ماشى اخدت تاكس وروحت جيبت ماما واختى وروحت اخد العربيه قالى 250 ياباشا لكله وانا عارف انه امين اديته 250 منغير كلام****************