مصر موتورز مجتمع السيارات - ياترى دى اشتغاله ولا صح؟؟؟

مصر موتورز مجتمع السيارات (https://www.masrmotors.com/vb/index.php)

- A 516 (https://www.masrmotors.com/vb/forumdisplay.php?f=187)

- - ياترى دى اشتغاله ولا صح؟؟؟ (https://www.masrmotors.com/vb/showthread.php?t=124623)

ياترى دى اشتغاله ولا صح؟؟؟

الحكايه بدأت بأنى سمعت صوت طقطقة لما باطلع أى مطب ولاحظت ان الصوت بيجى لما تكون الحركه رأسيه فقط (يعنى فى المطبات والحفر)غير كده لأ ..المهم روحت لواحد كان شغال فى احد مراكز خدمة الأسبيرانزا المعتمده وفاتح ورشه.زوبعد الكشف قالى دى البيضة بتاع المقص اليمين ..قولت له شوف اللازم واعمله .. فك وعمل بنطتين لحام للبيضة وماغيرش حاجة وبقت زى الفل ..بس ده مش الموضوع (معلهش هههه) الموضوع انه قال لى انا عاوز أغير لك بنه السرعه ...قولت له ودى تفيد فى ايه ؟؟ قال لى دى هتزود السحب وتقلل من استهلاك البنزين ..قلت له طيب دى بكام ؟؟ قال ب90 جنيه !! المهم قلت له غير ياعم والحقيقة الفك والتركيب ماخدوش أكتر من دقيقتين وركب معايا وقالى جرب ..لقيت العربيه بقت بتسحب حلو وخاصة على الثانى اللى جبت بيه 80 اما على السرعات الأخرى فالتحسن كان بسيط ..ودى صورة البنه اللى غيرها لى
http://www.masr1.com/di/ICTZ/.jpg
القطعه كلها طولها حوالى 12 سم والجزء المشار له بالسهم الأصفر بيدخل تقريبا داخل مكان فى الجير بوكس( مش متأكد) اما الجزء المتبقى المشار له بالسهم الأحمر بيبقى فى الخارج ويتم توصيله بفيشه ..ياترى ايه هيه القطعة دى؟؟ ومافائدتها ؟؟وياترى دى فعلا اشتغاله ولا حقيقة ؟؟ والتفسير ؟؟ وشكرا مقدما

رد: ياترى دى اشتغاله ولا صح؟؟؟

دا حساس السرعة اللي بيركب علي الفتيس
وانا رأي المتواضع دي اشتغالة
والحساس دا اعتقد والله اعلم اغلي من 90 جنية

رد: ياترى دى اشتغاله ولا صح؟؟؟

اشكرك أخى العزيز على الرد ..وانا حاسس فعلا انها اشتغاله..
انا كنت عاوز اضيف.. انى قولت له بعد ما فكه بأن الترس سليم طيب ليه بنغيره؟؟ فرد وقال ان المشكله مش فى الترس ولكن فى الملف (الكويل) الكهربى اللى موجود جوه وبيتصل بالفيشة...
وانا لى سؤال لحضرتك ..ليه السحب زاد على الثانى بشكل ملحوظ ؟؟ وايه فكرة عمل الحساس ده؟ وشكرا مقدما

رد: ياترى دى اشتغاله ولا صح؟؟؟

المثل بيقول الميه تكدب الغطاس هههههههههههههههههههه
هو قال حاجة و الواقع اثبت ان عنده حق
من الواضح انه عارف ان نسب الحساس الاصلى ( بين سرعة العربية الفعلية و قيمة الاشارة الخارجة من الحساس ) مش حتدى الكنترول القراية اللى تخليه يظبط اداء الماتور للوضع الامثل المناسب للسرعة الحقيقية
فحط الحساس دا الله اعلم جابه منين و عارف انه النسب الجديدة حتخلى الكنترول يظبط الاداء افضل !!
حتى لو اللى انا بقوله غلط فالراجل كلامه صح لان النتيجة للافضل

رد: ياترى دى اشتغاله ولا صح؟؟؟

حساس السرعه
مالوش علاقه بالسحب نهائي
الحساس هو نفسه ماكينه السرعه في العربيات القديمه
بيقراء سرعه العربيه للعداد