|
رحلة الى صحراء جبلية ( محمية وادى دجلة ) ...تقرير كامل بالتفاصيل والصور
السلام عليكم ورحمة الله من فترة كنت على النت بدور على اماكن للخروج والفسحة ليوم واحد بس مش خروجة عادية كنت عايز خروجة مثيرة شوية وفى اثناء البحث اتكعبلت فى المحميات الطبيعية فى مصر وبعد بحث قليل استقريت على انى اروح محمية وادى دجلة اللى فى صحراء المعادى وبعد بحث عن المحمية على النت مطلعتش بحاجة مفيدة قوى غير الكلام الرسمى بتاع وزارة البيئة ووزارة السياحة وبعض مواضيع خاطفة فى بعض المنتديات لكن مفيش موضوع يروى عطشى للمعرفى عن المحمية قبل ما اروح ليها بلغت اصحابى واتفقنا على الخروج يوم الجمعة 6-2-2014 وقبل ما اخرج كنت جهزت كل ما يلزم لرحلى فى الصحراء الجبلية دى اول حاجة قلت فى نفسى لازم عربيتين عشان لو واحدة غرزت التانية تسحبها وجهزت الحبل الازم وطبعا الاكل والمية والمشروبات الساخنة مناديل مبللة شنطة اسعافات اولية وجوانتى لكل فرد عشان تسلق الجبال وكشافات عشان الكهوف وبوصلة والاهم من دة كلة الخيمة والخيمة دى سببها انى لما بصيت على المحمية من صور القمر الصناعى (جوجل ايرث) ملقيتش فيها مكان ظل عشان نقعد فية للراحة وتناول الطعام وهيا خيمة انا اللى مصممها ومنفذها بايدى وهيا تاخد 10 افراد جلوسا او وقوفا مع ترابيزة فى النص وشكلها غير شكل الخيمة التقليدية والخيمة اللى بتتباع جاهزة ودى صورة من الصيف اللى فات ليها http://i1342.photobucket.com/albums/...a.jpg~original والميزة اللى فيها انها بتتلم فى شنطة مقاساها 35 سم *30 سم * 150 سم وبحطها فى الدواسة الخلفية اللى قدام الكنبة اللى ورا فى العربية طلعنا يوم الجمعة 6-2-2014 الساعة 6 الصبح ووصلنا المحمية حوالى 7.30 صباحا وقبل ما نخش المحمية اتفقنا اننا مش عايزين صور تذكارية عايزين صور عشوائية يعنى اللى ماسك الكاميرا يصور الاحداث كلها عشوائى من غير ما يقول لواحد اقف فى وضع معين عشان اخد لك صورة وكان معانا كاميرتين للتوثيق وصورنا بيهم 680 صورة http://i1342.photobucket.com/albums/...9.jpg~original http://i1342.photobucket.com/albums/...7.jpg~original http://i1342.photobucket.com/albums/...2.jpg~original ودى صورة من القمر الصناعى (جوجل ايرث) لمدخل المحمية http://i1342.photobucket.com/albums/...7.jpg~original التذكرة ب 3ج للفرد والعربية ليها تذكرة بردو 3ج والموظف بينبة عليك ان اخرك الساعة 4 عصرا تكون على البوابة سالتة فية اى تعليمات او ممنوعات او كدة قالى لا بس اخد مننا كلنا البطاقة الشخصية وكنا 6 افراد فى عربيتين لانوس و فيات 131 يعنى كل اللى اخدة 25ج فقط عدينا البوابة ودخلنا المحمية والتزمت بالمدقات اللى العربيات عاملاها وتدريجيا وبسرعة اكتشفت ان اقصى سرعة ليا هى 20 كم/س وطبعا الكلام دة مش بمزاجى دى اجبارى من الطريق لانة عبارة عن مدقات جبلية لو حاولت او فكرت تجرى عليها هيحصل حاجة من اتنين 1- انك تسمع وتحس بعفشة العربية وهيا بتتفسخ من وعورة الطريق 2- انك هتلاقى نفسك قاعد جوة مكنة فشار وعمال تتشال وتتحط فى العربية ودماغك هتخبط فى سقف العربية وبردو من وعورة الطريق عشان كدة طول ما انا جوة المحمية كنت ماشى على الغيار الاول واقصى سرعى هى 20 كم/س http://i1342.photobucket.com/albums/...d.jpg~original http://i1342.photobucket.com/albums/...1.jpg~original وبدأنا نتفرج على جمال الطبيعة والجبال من حوالينا وجوانا رغبة محمومة بالتسلق http://i1342.photobucket.com/albums/...c.jpg~original http://i1342.photobucket.com/albums/...a.jpg~original مشيت حوالى كيلو وبعدين لقيت مكان يصلح للتسلق ونجرب فية تسلق عادى بدون اى معدات http://i1342.photobucket.com/albums/...3.jpg~original واندفع الجميع برغبة محمومة فى الوصول لاعلى نقطة فى الجبل http://i1342.photobucket.com/albums/...e.jpg~original http://i1342.photobucket.com/albums/...9.jpg~original http://i1342.photobucket.com/albums/...d.jpg~original ووصلنا لارتفاع كنا شايفين فية العربيات صغيرة قوى فى الصورة اللى جاية http://i1342.photobucket.com/albums/...6.jpg~original نزلنا بعد كدة من على الجبل ومشينا لقدام شوية وكنا خدنا فكرة مبسطة وسريعة عن الطلع والنزول من على الجبل وانت طالع مفيش خطورة خالص لكن وانت نازل الخطورة كلها لانك لو طاوعت اندفاع جسمك من الاعلى والجاذبية الارضية مش هتلاقى نفسك غير فى قاع الوادى على احسن الاحوال بضلوع وعظام مكسورة ركبنا العربيات ومشينا لقدام مسافة لحد ما لقينا منظر جميل منحوت طبيعا فى الصخور http://i1342.photobucket.com/albums/...b.jpg~original واخدت صورة لنفسى http://i1342.photobucket.com/albums/...7.jpg~original وزى المرة اللى فاتت حمى التسلق والاندفاع اجتاحت الجميع http://i1342.photobucket.com/albums/...5.jpg~original http://i1342.photobucket.com/albums/...b.jpg~original ووصلنا لارتفاع اعلى من المرة اللى فاتت وبنظرة واحدة للصورة اللى جاية هتلاقينى مشاور على مكان العربيات فى قاع الوادى بسهم ازرق وسهم احمر للارتفاع اللى وصلنالة http://i1342.photobucket.com/albums/...d.jpg~original استريحنا فوق لمدة ربع ساعة وبصراحة المنظر من فوق خرافة وممتع http://i1342.photobucket.com/albums/...d.jpg~original http://i1342.photobucket.com/albums/...b.jpg~original ونزلنا تانى بس المرة دى بحرص اكبر من المرة اللى فاتت http://i1342.photobucket.com/albums/...7.jpg~original http://i1342.photobucket.com/albums/...a.jpg~original وركبنا العربيات وطولنا لقدام مسافة اطول عشان نلاقى اماكن اجمل واصعب للتسلق http://i1342.photobucket.com/albums/...0.jpg~original http://i1342.photobucket.com/albums/...9.jpg~original لحد ما لقينا نحت جميل من صنع الطبيعة فوقفنا عندة http://i1342.photobucket.com/albums/...0.jpg~original http://i1342.photobucket.com/albums/...2.jpg~original وكالمعتاد حمى التسلق.......... تصيب الجميع............ http://i1342.photobucket.com/albums/...e.jpg~original http://i1342.photobucket.com/albums/...b.jpg~original http://i1342.photobucket.com/albums/...3.jpg~original http://i1342.photobucket.com/albums/...b.jpg~original http://i1342.photobucket.com/albums/...7.jpg~original http://i1342.photobucket.com/albums/...1.jpg~original http://i1342.photobucket.com/albums/...3.jpg~original وهنا اتعلمنا من نفسنا بعض البديهيات فى الطلوع والنزول اولا وانت طالع متنقلش رجلك من مكانها الا لما تكون متأكد ان التانية ثابتة فى مكانها ثانيا متتمسكش بالصخور الصغير لانها ممكن تخونك ثالثا احنى جسمك كلة لقدام وانت طالع رابعا اتجنب الصعود على الاماكن اللى فيها انهيارات صخرية ونزلنا من المكان دة وركبنا العربيات وكملنا لقدام http://i1342.photobucket.com/albums/...e.jpg~original http://i1342.photobucket.com/albums/...6.jpg~original وهنا لاحظنا ان الوادى بينحدر لاسفل يعنى كنا بننزل لتحت اعتقد كنا تحت مستوى الارض العادية http://i1342.photobucket.com/albums/...5.jpg~original فى الصورة اللى جاية هتلاحظ ان الطريق نازل لتحت منحدر بدرجة ميل متوسطة http://i1342.photobucket.com/albums/...1.jpg~original http://i1342.photobucket.com/albums/...2.jpg~original ولقينا مكان اجمل واروع من اللى كنا واقفين فية نحت طبيعى اكبر واعلى واجمل http://i1342.photobucket.com/albums/...6.jpg~original http://i1342.photobucket.com/albums/...a.jpg~original http://i1342.photobucket.com/albums/...4.jpg~original ومحاولات للتسلق ولكنها كانت صعبة فعلا ولم ينجح احد فى التسلق http://i1342.photobucket.com/albums/...5.jpg~original ولم يكن هناك مانع من بعض المرح http://i1342.photobucket.com/albums/...c.jpg~original http://i1342.photobucket.com/albums/...c.jpg~original http://i1342.photobucket.com/albums/...5.jpg~original http://i1342.photobucket.com/albums/...2.jpg~original ثم انطلقنا فى المكان وكل واحد مارس التسلق بالطريقة المناسبة لية والتقطنا بعض الصور http://i1342.photobucket.com/albums/...e.jpg~original |
رد: رحلة الى صحراء جبلية ( محمية وادى دجلة ) ...تقرير كامل بالتفاصيل والصور
http://i1342.photobucket.com/albums/...8.jpg~original
http://i1342.photobucket.com/albums/...2.jpg~original http://i1342.photobucket.com/albums/...f.jpg~original وواصلنا التقدم للامام لحد ما لمحت كهف لكنة مكانش كهف على الارض كان كهف على ارتفاع حوالى 4 طوابق عن سطح الارض وقفنا العربيات وطلعنا لة عشان نشوفة وعشان تعرف تميزة من بعيد حطيت علية سهم احمر http://i1342.photobucket.com/albums/...1.jpg~original وتوجهنا كلنا علية ورا بعض عشان نشوفة او نستكشفة بمعنى ادق لانة كان اول كهف نشوفة http://i1342.photobucket.com/albums/...d.jpg~original http://i1342.photobucket.com/albums/...9.jpg~original http://i1342.photobucket.com/albums/...b.jpg~original http://i1342.photobucket.com/albums/...e.jpg~original http://i1342.photobucket.com/albums/...0.jpg~original http://i1342.photobucket.com/albums/...8.jpg~original ولما وصلت تحت منة اكتشفت ان الحتة اللى فاضلة مش هينفع اطلعها لانها صخرية عمودية http://i1342.photobucket.com/albums/...6.jpg~original فرحت ادور على مكان تانى اطلع منة للكهف http://i1342.photobucket.com/albums/...3.jpg~original http://i1342.photobucket.com/albums/...6.jpg~original ولقيت مكان فعلا اطلع منة للكهف لكن الصعوبة كانت هتبقى فى النزول من نفس المكان وكان الحتمال المخاطرة عالية واحتمال انى اقع اعلى فمرضيتش اغامر ونزلت http://i1342.photobucket.com/albums/...b.jpg~original وانا نازل لمحت كهف تانى على بعد حوالى 200 متر شاورت للمجموعة علية وسبقتهم لهناك http://i1342.photobucket.com/albums/...5.jpg~original http://i1342.photobucket.com/albums/...e.jpg~original http://i1342.photobucket.com/albums/...2.jpg~original http://i1342.photobucket.com/albums/...7.jpg~original وهما جم ورايا وصلت للكهف ابص علية http://i1342.photobucket.com/albums/...3.jpg~original http://i1342.photobucket.com/albums/...3.jpg~original واستنيت باقى المجموعة لما طلعت http://i1342.photobucket.com/albums/...7.jpg~original واقترحت عليهم الدخول لاستكشاف الكهف وبدأ النقاش بينا وبين بعضينا عن جدوى الدخول الى الكهف خصوصا ان نور الشمس مش واصل الا لحوالى 7 متر فية وبعد كدة الباقى ضلمة تطوعت بالدخول اولا ودخل ورايا احد الاصدقاء http://i1342.photobucket.com/albums/...1.jpg~original http://i1342.photobucket.com/albums/...b.jpg~original وخرجنا منة بسرعة من الريحة المعفنة اللى فية وعشان نستنشق هواء نقى http://i1342.photobucket.com/albums/...5.jpg~original http://i1342.photobucket.com/albums/...6.jpg~original وعاد الجدال والنقاش حول جدوى الدخول والمخاطر الى احتمال نلاقيها فى الداخل ولو حد جرالة حاجة هنعمل اية وهنتصرف ازاى وبدا الحماس لدخول الكهف يقل بس انا كنت عايز اعرف الريحة العفنة اللى جوة الكهف دخلت الكهف للمرة التانية ولقيت احد الاصدقاء داخل ورايا فالتقطت لة صورة من جوة الكهف http://i1342.photobucket.com/albums/...a.jpg~original http://i1342.photobucket.com/albums/...c.jpg~original متحملش الريحة العفنة فخرج بسرعة لكن وانا جوة فى الحتة الضلمة وانا مش شايف اى حاجة لقيت نفسى بدوس على حاجة زى السفنج وطيت على الارض ومسكتها بايدى عميانى وخرجت برة الكهف وهيا فى ايدى وطلعت برة ابص عليه http://i1342.photobucket.com/albums/...e.jpg~original مكنتش محتاج لعقلية اينشتاين عشان اعرف ان اللى انا ماسكة فى ايدى وفى حجم حب الارز بس لونة اسود دى فضلات خفاش والريحة العفنة اللى احنا شامينها دى ريحة غاز الميثان اللى بتنتجة فضلات الخفاش والحاجة الاسفنجية الى انا دوست عليها دى طبقات فوق طبقات من فضلات الخفافيش باختصار شديد احنا كنا واقفين قدام كهف عبارة عن مستعمرة للخفافيش وبوضوح اكتر احنا كنا قافلين باجسامنا المخرج الوحيد للخفافيش من باطن الكهف وبدا اللقلق يعرف طريقة لينا ورغبات بالانصراف تجتاح البعض خصوصا اللى نفسة ضيق http://i1342.photobucket.com/albums/...c.jpg~original http://i1342.photobucket.com/albums/...8.jpg~original بالنسبة ليا غاز الميثان مكانش مشكلة انا كغواص حر بقدر اكتم نفسى مع حركة مستمرة لمدة دقيقة ونصف على الاقل ودة معناة انى اقدر اقطع مسافة 50 متر فى عمق الكهف بس كان فية كذا ملاحظة اولا انا نسيت اجيب الكشافات عشان انور جوة الكهف ثانيا احتمال الاقى عقارب او تعابين دة مستبعد لانها من ذوات الدم البارد والكهف كان حر جدا ثالثا لو انا تعثرت واصبت فى داخل عمق الكهف مش هلاقى حد يدخل لانقاذى بسبب الظلام والخوف وان مفيش حد هيقدر يكتم نفسة فترة طويلة لحد ما يدخل ويطلع بيا رابعا ان انا ممكن اسبب بدون قصد حالة هياج للخفافيش اللى جوة والاقيها لابسة فى وشى وفى جسمى وبقيت محتار عين فى الجنة وعين فى النار رغبة فى الانصراف بامان وفضول قاتل (نفس الفضول اللى قتل القطة فى المثل الشعبى) ثم ثم ثم . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . للاحداث بقية |
رد: رحلة الى صحراء جبلية ( محمية وادى دجلة ) ...تقرير كامل بالتفاصيل والصور
https://fbcdn-sphotos-f-a.akamaihd.n...68638876_n.jpg
:01F6EB~150::01F6EB~150:: 01F6EB~150::01F6EB~150: فى انتظار البقية |
رد: رحلة الى صحراء جبلية ( محمية وادى دجلة ) ...تقرير كامل بالتفاصيل والصور
كنت اعزمنا
ان شاء الله المره القادمه اعمل خسابى معاك ولو ممكن تليفونك للتعارف |
رد: رحلة الى صحراء جبلية ( محمية وادى دجلة ) ...تقرير كامل بالتفاصيل والصور
اقتباس:
وان شاء الله بقية الموضوع هيبقى فى جزء تانى بنفس الاسم اقتباس:
ولو فية طلعة تانية هبقى ابلغ حضرتك على الخاص |
| الساعة الآن 01:21 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017