مساعده في عومان لادا 2017
 

السلام عليكم وحمه الله وبركاته
الحمد لله جبت عربيه لادا 2107 موديل 2003 فيها باور
المهم وانا ماشي علي الطريق لقيت العربيه عند سرعه 60-70 مراجيح تلعب يمين وشمال
اتاخرت في زياره العفشجي لظروف ماديه
المهم روحت لواحد قالي المساعدين تعبانه والاسكترا الباور مش مظبوطه
وغير اربع مساعدين وظبط الاسكاترا واخد 350
ومشيت لقيت العربيه بتلعب جامد رجعتله قالي لازم نلغي الباور
سيبته وروحت لواحد تانى
قالي فين الحجات دى
الميزان الامامي مش موجود اصلا
جلب المقصات الاماميه بايظه
2 بيضه بايضين
كاوتش شداد خلفي
المهم روحت اشتريت الحجات دى
2 بيض علوي + 2 بيض سفلي اه وجبت البيض اللي بمشحمه
2 كاوتش ميزان
2 قفيز ميزان بكاوتشه
ميزان امامى
4 جلب مقصات اماميه
4 جلب مقصات امامي بس غير اللي فوق
كاوتشتين بتوع دراع الاسكاترا
ورحت ركب وبنط لحام لجلب المقصات و اخد منى 150 جم ربنا يسامحه بقي
ومشيت العربيه مسكه نفسها لحد 90 وبتعوم بعد كده اه وفيه تكه كده ورا لما اطلع او اضرب فرمله دي ظهرت جديد وكمان خبطه في المطبات الكبيره في اليمين
روحتله تانى
قالي قاعده مكنه بايظه وشمن غير سوسته مع ان التانيه بسوسته وقالي كرسي النص مهوى وعاوزه صلايب وده ميكانيكى
جبتله قاعده موتور واحده بسوسته وربطلي كرسي النص وعاد رباط علي العربيه كلها وقالي سيب الصلايب شويه هي لسه في اولها وخد 30 جم ومشيت وبرضو بتعوم
هي مش بتعوم هي في مطبات الهوا بتنزل وهى طالعه بتنطح ناحيه الشمال وتلم نفسها تانى وتحس انك مش مسيطر
اعتقد انو ممكن ياي يكون اقوي او اعلي من ياي
عاوز افاده منكم
وكمان بيقول الاسكاترا بتاعه لانسر
وزيت الباور بينقص يعنى كل اسبوعين علبه كيلو
قاله عاوزه اولسيه اعمل ايه

اه نسيت اقول انى روحت لبتاع كابريتير ظبط وقالي خرطوم الفايز متركبوش علشان المكنه بتنفخ زيت بس متخفش لسه قدامها شويه علي الشنبر طبعا انا مفهمتش كل اللي حسيته ان الريحه الوحشه اختفت لانو نزل الخرطوم تحت خالص
اه العربيه وانا بدورها بتفرقع وتبطل تانى كام مره كده وبعدين تدور واكد قالي دى كهربه وكمان بتكركر جامد وواحد قالي دي باب كابريتير

رد: مساعده في عومان لادا 2017
 

كان الله فى عون حضرتك
اعتقد ان حضرتك اخدت عربيه مش مصروف عليها
وواضح ان صاحبها كان مكبر دماغه على الاخر
حضرتك هتتعب الاول فى معرفة مشاكل العربيه
وبعدين هتستريح
حضرتك محتاج عفشجى امين ومتخصص
لاسف فى جزأيه مجهوله شويه بالنسبة لنا نحن الذين نمتلك ال لادا
الا وهى بور الدركسيون
اللى عندنا عبة دركسيون بدون اسكاترا او مكنة باور

عموما اصبر وحاول تشوف حد امين

كمان الاخوه هنا فى المنتدى ممتازين جدا

رد: مساعده في عومان لادا 2017
 

انا اشتريت العربيه كده فيها اسكاترا باور والعفشجى قالي دى بتاعه لانسر مش عارف هو بيفتى ولا ايه
متشكر جدا علي اهتمامكم وسرعه الرد
انا فعلا مش فاهم ميكانيكا اوى وكمان الصنايعيه اللي اعرفهم مش بيشتغلوا في العربيات القديمة للاسف
الباور مهم جدا مخفف الطارة اوى وده مش مخلينى حاسس انى راكب لادا ان شاء الله هغير اولسيه
العفشه بقت محكمه عن الاول كتير لكن لما اكون ماشي بسرعه وفيه مفصلات في الطريق زى بتاعة الكبارى كده العربيه برضو بتلعب بس مش مهم بقي انا اصلا مبجبش 100 كيلو
البطاريه ماتت فجاة ولسه جايب واحده جديد فا شويه كده لان العمليه باظت
عرفت انها محتاجه ديسك واسطوانه وقلقان من تمنهم
يبقى اللي جاي طقم شنبر وديسك واسطوانه واولسيه باور
وربنا يستر
اه بالنسبه للفرقعه
صوت بففففف والعربيه تكن وترجع تانى والصوت من عند العمة فا انا شكيت في الكربراتير
مع انى رحت لواحد ظبته وبرضو

رد: مساعده في عومان لادا 2017
 

نصيحة بخصوص عومان العربية
يا اما تتعايش مع الوضع الحالى يا اما ترجعها لاصلها (علبة دركسيون ) بتيش نص ومناول