بسم الله الرحمن الرحيم

البدايه عربيتي عامله 130 الف كيلو حسيت من فتره المساعدين الخلفي خفاف شويه وطبعا دول المساعدين الاصلي الفبريكه متغيروش نهائي من اول يوم جت فيه

رحت للميكانيكي صاحبي اسمه ايمن دايو قالي شغالين وامشي عليهم شوية وطبعا انا راجل حساس اوي ناحية العربية فا قررت اغيرهم

وطبعا صاحبي دة بيحب يوفر لى الفلوس وقالى هجيبهم لك استيراد وهجربهم بنفسي وهكذا وانا مش مقتنع نهائي بالاستيراد وكنت قرأت هنا موضوع والردود على الموضوع ان المساعدين الجداد احسن

المهم الى حسم الموضوع واحد قابلته والده كان اشهر ميكانيكي مرسيدس فى المنصورة بس اعتزل من زمان وسمعني وانا بكلم الميكانيكي وقالي بالحرف كدة ( علشان خاطري هاتهم جداد )

قلت له انا كنت مستني الجمله دي

تاني يوم رحت للعفشجي الساعة 11 الظهر وقالى نسقط العفشه كلها نغسلها ونبص عليها الاول علشان لو عاوزين حاجة تانية يبقى مشوار واحد

سقطنا العفشة وغسلنا وكلة تمام وانطلقت للحسانيه ودة مكان فى المنصورة فية قطع الغيار وطبعا الجوله خدت مني حوالي ساعتين واسعار وحوارات

استقريت اني اجيبهم من عند العشري

الامامي الاصلي 720 جنية الطقم اصلي محفور عليهم العلامة والبارت نبر وشكلهم فعلا ممتاز
الكوري منهم ب 600 وفي ب 300 وفى ماركة ماندو بس كنت قرأت هنا انهم مش تمام
المهم جبت الاصلي امامي

الخلفي ب 600 جنية ونفس الكلام محفور عليهم والبارت نبر والكرتونة تمام

وفي الكوري ب 500 جنيه

حضراتكم هتلاقو الفرق بسيط حوالي 200 جنيه فرق الامامي والخلفي ما بين الاصلي والكوري مش مستاهلين وبعدين المساعدين مش بيتغيرو كل يوم

فى نقطة كمان حابب اوضحها
متسمعش كلام حد يقولك محل كذا افضل ولا محل كذا افضل لان الصيت ولا الغنا انا رحت لمحل مشهور جدا قالى الامامي 800 والخلفي 650 ونفس شكل الكرتونه الى اشتريتها

طبعا اشتريت علبة شحم بترومين من العمريطي ب 22 جنية نص كيلو
طبعا سعرها عالي بس كل الى كان عند المحلات التانية انواع مختلفة و ب 13 والي يقولي 15 واتصلت بالعفشجي قالى بترومين سعودي يا بلاش

طبعا انا من 11 الظهر لغاية 9 بالليل شغالين ولو هتقول الوقت طويل لية اقولك انا رحت لعفشجي فاتح ورشه وشغال بأيده لوحدة حتي مفيش صبي شغال انا الى كنت شغال معاه والصراحة كنت مستمتع جدا

المساعدين القديمه خدتهم معايا لان احتمال احتاجهم بعد كدة

نيجي للمصنعيه كل الناس قالولي 150 جنيه كويس
انا دفعت 200 جنية لاننا سقطنا العفشه كلها وكمان ركبنا صددادات ورا وكبسنا مش عارف اية وحوارات كدة


خلاصة التجربة
انا مبسوط :0959C9~155: