مشكلة فتيس لانسر 2006
 

اولا السيارة لانسر بومة 2006 كاملة رياضية

بقالى اسبوع بسمع طقطقة خفيفة جدااااا فى الطالعة وكنت بقول انها كوبلن خفيف شوية لانها كانت بتيجى فى الكسرة شمال ايضا اليوم ماشى وقفت العربية فجأة مش بتتحرك الماتور شغال كويس سألت واحد قالى روح لعفشجى كدة يبقى كاتينة الفتيس اتفرتط وروحت لواحد متخصص فتايس اول ما قولتله قالى الكاتينة الفتيس رديت عليه قولتله العربية ناعمة جدا زى الحرير والتسارع ماشاء الله تمام جدا قالى عادى بتحصل كتير
=================
المشكلة بقى حبيت اسأل هعمل ايه واحد قالى جيب سير كاتينة بحوالى 1000 جنية دا غير الزيت والمصنعية سألت واحد تانى قالى لاء السير لواحدة مش مضمون لان الفتيس داه لو اتحل مش بيرجع زى ماكان ؟؟ طيب اعمل ايه ياعم قالى جيب نص فتيس وداه سالت قالولى 2500 بعد فصال طبعا رد عليا واحد يعرفنى قالى خليك فى السليم وبلاش لعب فى الفتيس وهاتو على بعضه وريح دماغك وهو ب 3500 او 3200 يعنى وهييجى يركب عالطول انا بقى دماغى وجعتنى ممكن حد يرد علية ويقولى اعمل ايه من الحلول الثلاثة اللى اتقالولى دول ومشكورين مقدمة

رد: مشكلة فتيس لانسر 2006
 

طيب و راى بتاع الفتايس الاولانى ايه ؟
لانى ميال الى الراى بتاع السير اللى ب 1000 مش عشان رخيص
عشان ايه المانع ان متخصص فتايس حيفك الفتيس و يغير السير و يرجع الفتيس زيى ما كان ؟

رد: مشكلة فتيس لانسر 2006
 

معلش الرد متأخر علشان كنت بعمل العربية سؤالك لو غيرت كاتينة فقط بتعمل ونة زى العربيات اللى بكرونة كدة والشركة نفسها بتقول على الفتيس cvt انه مبيتصلحش وداه مكتوب هنا على منتداكم وداه رأى الصناعيعية ايضا =========== بس فى حاجة جديدة بقى قابلتنى وانا بكتب داه علشان كلنا نتعلم من بعض فتايس البومة 1300---1500---1600 وكله بيركب عادى يعنى تروح تشترى فتيس 1600 ممكن يدهولك 1300او 1500 وانت متعرفش حاجة بس الفتيس 1500 الحلة بتاعتة مسامير مختلفة فيرد عليك يقولك وديها المخرطة تتعمل غير كدة لازم عفشجى امين علشان هو يقولك دا فتيس ايه بالظبط بدل ما تدبس

رد: مشكلة فتيس لانسر 2006
 

الفتيس ده فيه ترس فى الكارونة بتاعة لو ما ظبطش مع اول ترس فى الفتيس هيون و لو طلعت بيه جبل ولا مطلع غبى شويه ممكن يتكسر

هاتلى رقم فتيسك و اجيبلك الداتا شيت بتاعة فيه الظبطة الصح ليه و ما تخليش حد يفتى فيه يا تروح لحد متخصص جدا يا اما بلاش منها

رد: مشكلة فتيس لانسر 2006
 

لو من القاهرة روح لمجدى اللى فى شارع احمد سعيد