مصر موتورز مجتمع السيارات - قدر الله و ما شاء فعل .. (حادثة) :(

اصابني الله و الحمدلله ع كل شئ
اول امبارح ماشي فى شارع احمد الصيفي من مصطفي النحاس مدينة نصر و الطريق طريقي طلعت عربية من شارع جانبي و خبطني بالطريقة دى

http://im32.gulfup.com/kdxEk.jpg

http://im32.gulfup.com/KaYWA.jpg

http://im32.gulfup.com/x8B49.jpg

المهم نوع العربية غريب هاتش باك عاملة زي السيتروين و كان فيها شابين شكلهم شمامين المهم اني كنت جاي من شغل و معايا عهدة فوق الـ50 الف جنية و كانوا ف العربية اول ما اتخبطت انا قولت العربية اتقسمت خلاص نزلت اشوفها الناس جت من كل مكان و بسرعة ادركت ان فلوس العهدة ف العربية المهم رجعت للعربية اخد الفلوس و الناس بدأ يخلونا نركن ع جنب عشان نفتح الطريق و نشوف هنعمل ايه .. اخدت الفلوس ف جيبي و ببص ع الواد اللي خبطني لقيته هيركن بس حسيت منه بالغدر انه هيجري لانه كان بيدوس ع الاكسراتير جامد المهم طلعت الموبيل اتصل بالشرطة ع اساس ان الناس موقفة العربية اللي خبطتني المهم بفتح الباسورد بتاع الموبيل لقيت الواد جري بسرعه لحقت رقم العربية و اتصلت ع الشرطة جاتلي بعدها بـ ساعتين و ربع و الحمد لله :( المهم امين الشرطة جه و عاين الحادثة و قالهالي ع بلاطة .. يا باشا ابتسم انت ف مصر لا المحضر هيعمل حاجة ولا نيلة و هتاخد وقت يمكن ولادك او ولاد ولادك يبقوا ياخدوا التعويض المهم خلاص انا قررت امشي
بالنسبة للعربية روحنا للسمكري قالي هياخد مصنعية 800 جنيه و مطلوب مني اجيب طبلتين بابين اليمين و عتب و هو هيعمل زرجينة للقايم و ييظبط الدنيا و يرد اللي اتدغدغ ف العربية

بس نمرة العربية ف دماغي و مش هسيبهم و ليا عندكم رجاء
لو سمحتوا لو سمحتوا لو سمحتوا اللي يعرف يساعدني و يجيبلي بس عنوان الملف بتاع العربية.
العربية رقمها (م ف ع 971) ملاكى

http://im36.gulfup.com/EnsS5.jpg

شباااااااااب بالله عليكم انا مش بحب اسيب حقي وانا ليا حق عن ولاد الكلب دول و فعلاً مش هرتاح غير لما اعلقهم من .....

امّنتكُم قدام ربنا اللي يعرف يساعدني يساعدني