استفسار قبل الشراء لأول مرة..
 

السلام عليكم يا شباب...
أعرفكم بنفسي.. أنا محمد فايد.. 26 سنة

زهقت من العربيات و المواصلات في البلد دي... و كنت حابب أشتري موتوسيكل يريحني من قرف الزحمة و يوفر معايا في البنزين..

فكرت أشتري موتوسيكل..., يهمني الشكل يكون شبابي و شيك و بجانب الأداء أكيد..
طبعاً كل الموجود في السوق يا إما الصيني أو الهندي.. أو الريس المستعمل

مشكلتي في الموضوع ده إن أنا مبحبّش المستعمل... أنا مضمضنش اللي قبلي عمل إيه و بهدل ولّا مبهدلش الموتوسيكل..

أنا عامل ميزانية من 10 لـ 15 ألف...

و كانت الاختيارات اللي لقيتها :

1- الباجاج الـ 220f

http://www.bajajauto.com/images/puls...olor-black.jpg

2- الاختيار الثاني اللي الناس قالولي عليه كان على أساس إن الباجاج غالي و قطع غياره غالية..
و قالوا أفكر في الدايون 6 و فيه في الـhalawa موديل بس أنا مش فاكر اسمه و الاثنين شبه الريس على العموم يعني..


3 - واحد زميل واحد صاحبي كان معاه ريس شبه الموديل ده من الياماها.. بس طبعا في فروق بسيطة.
و قاللي نوعها هندي و الموتور صيني و اسمها "جامبو سبورت" دي التفاصيل اللي عرفتها منه و قاللي إنها في حدود 8000 جنيه أو 8500..

http://www.team-bhp.com/forum/attach...t-colwhite.jpg


4 - لقيت على الفيس بوك توكيل لشركة بتورد ريس صيني اسمها "Jieda Motors" في موديلات منها أرقامها jieda 24 أو 25 أو 26 ...
و الأسعار بتتراوح من 8 لحد 11 ألف تقريباً...

https://www.facebook.com/pages/Jieda...60976323916413


ده شكل الـ 25 : سعره 10500

https://www.facebook.com/media/set/?...3916413&type=3

و ده شكل الـ 26: سعره 11500

https://www.facebook.com/media/set/?...3916413&type=1
------------------

يا ريت يا جماعة تفيدوني بآرآئكم و خبرتكم... لأني فعلاً محتار و مش عارف أستقر على حاجة و دلوقتي بميل للإختيار الثالث أو الرابع.. و شكراً مقدّماً..

-------------------

حبّيت أضيف حاجة... أنا استخدامي هيبقى في مشاوير طويلة يعني المشوار كان بياخد معايا بالعربية من ساعة لساعة و نص و أنا ماشي من 70 لـ 90 على حسب الطريق..
و لو ممكن أسافر بيها من المنوفية لطنطا.. أو من المنوفية للقاهرة.. أو من طنطا للقاهرة...
الموتوسيكل اللي هو "أوميجا سبورت" ده زميلي قاللي إنه بيسافر بيه من المنوفية للقاهرة و بدون مشاكل..

رد: استفسار قبل الشراء لأول مرة..
 

فين الناس ؟!!!

رد: استفسار قبل الشراء لأول مرة..
 

يا يباني افراج تزود 5 و تجيب مكنه ريس 250 او مكنه ستريت 400 ,,, او البديل الثاني هو بجاج بولسار ان اس ب 15000 ,,, لاحظ من كلام سيادتك انك بتسافر فالصيني مش هينفع في المسافات الطويله و هيقرفك صيانات و ابعد عن الريس الصيني و الاشكال المبهره بتاعته لانه زباله .

رد: استفسار قبل الشراء لأول مرة..
 

أولا شكراً ليك...
ثانيا ..المكنة الريس الـ 250 أو النوع الثاني الـ 400 ... ممكن تفاصيل أكثر ؟ هوندا ولّا ياماها .. و أشتريهم منين ؟
أنا مش عايز أشتري حاجة من الثمانينات.. و في نفس الوقت لو من 15 لـ 20 مش مشكلة...

رد: استفسار قبل الشراء لأول مرة..
 

بشتريها افراج يعني لم تستخدم في مصر و بتاخد جواب الافراج بترخص بيه و موديلاتها معاك من اشهر و اكتر واحد و هو 1989 الي 1997 .,. و بتلاقي الافراج ماشي بكتيره 30 الف كيلو و اقل .
ده مش ريس او مش cbr بيبقي ستريت او فئه cb و طالما 400 سي سي فيطلق عليه cb4 و معاك اغلب موديلاته من 93 لحد 2005 بس موديلات اللي بعد 2000 بتبقي غاليه 25000 الي حاجه و تلاتين زي الصوره كدا .
http://www.motorstown.com/images/honda-cb-400-04.jpg
فممكن تجيب ريس 250 94 - 97 او ستريت 400 93- 98 .
كل كلامي عن الهوندا .,. الياماها و السوزوكي القديم ملوش قطع غيار غير ان تقيل في البيع .
بالتوفيق ان شاء الله .