مصر موتورز مجتمع السيارات - غيرت المساعدين BYD F3 .... والتزييق مازال مستمر :(

مصر موتورز مجتمع السيارات (https://www.masrmotors.com/vb/index.php)

- BYD (https://www.masrmotors.com/vb/forumdisplay.php?f=129)

- - غيرت المساعدين BYD F3 .... والتزييق مازال مستمر :( (https://www.masrmotors.com/vb/showthread.php?t=123365)

غيرت المساعدين BYD F3 .... والتزييق مازال مستمر :(

السلام عليكم
*********
كنت عامل موضوع من فترة عن تزييق في العفشة الخلفية لل F3
انا عربيتي موديل 2012 عامل بيها 38 الف كيلو

تزييق قوي في العفشة الخلفية BYD F3 رجاء المساعده
بعد نصائح احد الاعضاء لزيارة مركز مدحت الباشا للعفشة بمنيل شيحة ...
روحت امبارح السبت عنده وكانت الساعة 11.30 وكان زحمه جدا الصبح
بص على العفشة وقالي أغير جوز المساعدين الخلفيين بمساعدين تويوتا
اشتريت جوز مساعدين KYB بـ 450 جنيه
وركبت صدادات عالية عشان لما العربية تحمل ما طوطاش وتحك في المطبات
واخد مصنعية 35 جنيه من بقه ومن غير فصال !! ماشوفتش الصراحه حد عنده ضمير كده زي الراجل ده
وتم التغيير والتركيب وخرجت والعربية كانت تمام عملت بالعربية كام مشوار في وسط البلد وروحت على مدينه نصر وهناك بقى كانت المفاجاه الموجعة دخلت في احد الشوراع المكسرة لاقيت العربية بتزييق تاني ونفس صوت التزييق اللي كان موجود بس من ناحية اليمين !!!!

اتصلت ب الاسطى مدحت وقلتلو قالي تجيلي ابصلك عليها تاني

روحت عنده وقالي ان المشكلة في الدنجل الخلفي وفك المسمار بتاع وشحمه وركب تاني طلعت جربت الصوت راح .... عقبال ماروحت البيت في مدينه نصر كان الصوت رجع تاني ,,

ان شاء الله في زيارة ليه تانيه قريب ... لو في حد عنده اي اقتراح لحل المشكلة يتفضل بيه

رد: غيرت المساعدين BYD F3 .... والتزييق مازال مستمر :(

مدحت الباشا ده استاذ بمعنى الكلمه حضرتك تابع معاه وان شاء الله هيحللك المشكله وثق دايما فى اى كلام يقوله وانت مغمض لو قالك العربيه فيها عفريت :D هههههههههه صدقه على طول ده بصراحه اكتر واحد محترم فى الصنايعية هو والاسطى احمد حنفى الكهربائى اتعاملت معاهم مع العلم الاسطى احمد حنفى الكهربائى هو اللى عرفنى عليه

رد: غيرت المساعدين BYD F3 .... والتزييق مازال مستمر :(

انا اكتشفت ان الصوت من الدونجل الخلفي ..... ياتري ايه الحل .... يتغير ازاي

رد: غيرت المساعدين BYD F3 .... والتزييق مازال مستمر :(

اقتباس:

المشاركة الأصلية كتبت بواسطة mahshahin (المشاركة 946041)

انا اكتشفت ان الصوت من الدونجل الخلفي ..... ياتري ايه الحل .... يتغير ازاي

اطلب النصحية من فضلك افكر تفكير جدى فى شراء سيارة byd f3
فهل تنصحنى بان اتوكل على الله ام السيارة غير عملية :thnkr:

رد: غيرت المساعدين BYD F3 .... والتزييق مازال مستمر :(

اقتباس:

المشاركة الأصلية كتبت بواسطة enahmed5 (المشاركة 946608)

اطلب النصحية من فضلك افكر تفكير جدى فى شراء سيارة byd f3
فهل تنصحنى بان اتوكل على الله ام السيارة غير عملية :thnkr:

العربية موجودة مع 3 افراد من العائلة وكلهم بيشكروا فيها