|
أشتري الرينو سانديرو خلاص والا ايه رأيكم ؟؟
السلام عليكم
بعد ما سألت كتير في كل مكان وكل الناس في المنتدى هنا وبره المنتدى وساعدتونى كتير بخبرتكم وقارنت بين عربيات السبارك و اي تن و بيكانتو .. وصلت في الاخر للسانديرو بجد بحس كده انها تستاهل تمنها تاكيف - باور - سنتر ريموت - 4 زجاج - سي دي بلير وبلوتوث - فوانيس شبوره - ايرباج - ده غير انها طبعا 1600 سي سي ..وواسعه من جوه - اوتوماتيك توبترونيك - كومبيوتر لكشف الاعطال . لما ركبتها في المعرض حسيت انها عربيه مش صغيره فحسيت بقيمتها .. وعجبتنى سعرها كامله 98000 ج مصري بعض الناس بتقول ان الرينو بيحصل فيه بعض الاعطال مش بيعرفو يصلحوها في التوكيل ومش بيعرفو سبب العطل اصلاً .. هل الكلام ده مظبوط والا ده كان زمان ؟ تفتكرو خلاص اتوكل على الله في السانديرو والا السعر ده ممكن يجيب حاجه تانيه افضل منها ؟ :thinkW19: بناء على ردودكم هاخد قرار انى اشترى السنديرو الشهر الجاى بإذن الله أو ما اشتريهاش .. لأنى خلاص لغيت كل العربيات اللى كانت في دماغي واستقريت على السانديرو .. فياريت تساعدونى بخبرتكم ملحوظه : بلاش العربيات الصيني مش بأثق فيها خالص :) |
رد: أشتري الرينو سانديرو خلاص والا ايه رأيكم ؟؟
السلام عليكم السانديرو عربيه كويسه ومشاكلها قليله توكل على الله بس اعادة بيعها ثقيل شويه ولاتنسي صلاة الأستخاره والله المستعان |
رد: أشتري الرينو سانديرو خلاص والا ايه رأيكم ؟؟
من سنة كنت هشتريها بس مشترتهاش لانهم غلوا سعرها وانا شايف ان السعر كتير عليها
من راي هات عربية اعداه بيعها عالية زي الصني او الانسر واشتري دماغك من العربيات ال بيضحكوا بيها علي الناس بس في شوية نصائح اولا انت ساكن في منطقة زحمة ولا هادية هجيب قسط ولا كاش انا من راي شوف ظروفك الاول لو ساكن في منطقة زحمة هات مستعمل لان خبطته مش بتزعل زي الجديد لو ناوي تقسط بلاش لان انا جربته ممكن العربية تكون مخبوطة ومش بتمشي بيها كذا شهر لان مش معاك تصلح حتي لو مامن عليها لازم تدفع الاول وتبقي رامي العربية في الجراج وتدفع فلوس للجراج وللبنك لحد ما تقدر تصلحها واه علي الذل مع التامين يعطيك ميعاد يجي يعاين فيه العربية ويتشرط دا يتغير دا يتصلح المهم تدفع يا باشا انت في التوكيل الفاتورة وبعد كدة تستلم العربية وتروح لشركة التامين تعطيهم الفاتورة ويعينوا العربية وان شاء الله الشيك يبقي يجي شهر انت وحظك والمشكلة ان الشيك لما بيطلع بيطلع للبنك ال انت واخد منه قرض السيارة فحضرتك تودي الشيك من شركة التامين للبنك يقوم البنك بعد كم يوم يسحب الفلوس من شركة التامين وياخد رسوم تحصيل علي حسب كل بنك وبعدكدة الفلوس تنزل في رصيدك بالبنك لو حبيت تبقي تسحبها دوغة ووجع دماغ وكل سنة تجدد رخصة ووثيقة تامين لو تقدر تشتري كاش توكل علي الله وبلاش بنك ولو مش تقدر هات حاجة مستعملة علي قد ظروفك وجددفيها مع الوقت عن التجربة انا كنت مخطئ اني اشتريت زيروو وجعت دماغي اربع سنين اقساط وبحمد ربنا ان العربية هلاك كلي في السنة الاولي وخلصت من وجع دماغ الاقساط |
رد: أشتري الرينو سانديرو خلاص والا ايه رأيكم ؟؟
اقتباس:
شكراً جزيلاً ..عندك حق فعلا بس على العموم انا بأشتريها عشان تقعد معايا 10 او 15 سنه مش ناويه ابيع بسرعه .. وان شاء الله اصلى استخاره |
رد: أشتري الرينو سانديرو خلاص والا ايه رأيكم ؟؟
اقتباس:
بس من وجهة نظري هي تمنها مش كتير عليها ابداً .. لما تقارنها بعربيات فى نفس حجمها هتلاقي عربيه زي البيكانتو امكانتيات اقل و تمنها 100 الف .. انما السنديرو ماتعتبرش عربيه صغيره لأنها 1600 سي سي .. وشنطتها واسعه رغم انها هاتشباك .. شكلها جميل بصراحه اجمل من الصني والحاجات المعتاده وبعدين انا ناويه اشتريها جديده لأنى مش عايزه وجع دماغ مع التصليحات بتاعت المستعمل .. وإن شاء الله ربنا يسترها بأه على الجديده .. وعلى فكره لو دورت في السوق عن عربيه بنفس التمن جديده وبنفس مواصفات السنديرو مش هتلاقي لأن اقرب حاجه لها مثلا الميراج الجديده ب 116 وبعد كده فيه الافيو تقريبا ب 118 وبعد كده كله اعلى من 120 الف وانا مش هقدر حاليا على حاجه اعلى من 100 بأي حال من الاحوال شكراً جزيلاً لتعليقك ومرورك الكريم :) |
| الساعة الآن 11:42 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017