مصر موتورز مجتمع السيارات - العربيه بيجيب دخان ابيض

يعنى إية بدأت تجيب دخان أبيض
الجو اليومين دول بارد و فيه رطوبة بتتكثف على الشاكمانات و دى بتخرج كأنها دخان أبيض
(يوم المطر إللى فات العربية جابت بطارية و فضلت واقفة على ما إتصرفت لها فى بطارية و جيت أسخن لاقيت دخان أبيض كتييير عامل زى عربيات رش الناموس بتاعة زمان, و إتخضيت و سألت الميكانيكى قالى عادى)

فى دلائل مع بعض لتآكل الشنبر:
- البوجيهات بتزيت (حتى لو بوجية واحد) بس معرق زيت من عند السن مش من القلاووظ بتاعة (جسم البوجية)
- سحب العربية بوجة عام بقى تعبان ( و دى ليها كذا سبب آخر غير الشنبر)
- الزيت بيقل و بيطلع من الفايظ (خرطوم الفايظ إللى داخل على العمة) , فكة و شوف فية بخار زيت بيطلع منه و هيا العربية شغالة و لا لأ

لو الموضوع بالأعراض دى, يبقى كدة فعلاً شنبر
و لو شنبر يبقى تعمل نص عمرة (شنبر و تطمئن على كل حاجة جو المكنه من أول طبب المياة لحد الكرنك و الشمايز)
مع طقم الشنبر الموضوع بسيط بإذن الله و مش محتاج تجيب مكنة تانى و لا حاجه
الحكاية كلها يوم فك و تنضيف و يوم تركيب و تلين بالليل عالواقف
و تانى يوم الصبح تمشى من غير قرص و متجريش (علق ورقة العربية فى التليين)و إحرق لك صفيحة بنزين-20 لتر- عالواقف و صفيحتين و إنت ماشى متزيدش عن60 كم/س على الغيار الرابع, و بعد كده طير يا باشا و لا يهمك
متنساش بعد التليين هترجع تانى للميكانيكى يضبط التاكيهات و تغير طقم البوجيهات و الزيت و الفلتر بتاعة.

بس جرب الأول و تابع الأعراض إللى بتدل على الشنبر و أهمها البوجيهات
و إن شاء الله سليمة