في أمس الحاجة لاستشارة منكم
 

السلام عليكم أولا.
أنا باختصار معايا لانوس2 زى الفل و مريحانى حتى حصلتلي مشكلة في العمود الفقرى فعايز أجيب عربيه بكرسي عالي يعنى مش كل ما أركب انزل و اطلع عشان ظهرىو طبعا اوتوماتيك عشان ظهرى مأثر على رجلى اليمين خصوصا...المهم لقيت ماتريكس ثم كارينز هما الموديلات اللى تنفعنى و خصوصا انى عندى اسره و اولاد لكن لقيت الماتريكس اللى بيبيع بيغالى في سعرها على الرغم من فرق السنين و العداد و الكارينز 100 ألف على الأقل و أنت طالع و أنا إمكانياتى في حدود 70000 بالعافية و هل تعرفوا حد يقسط المبلغ المتبقي مباشرة مع المعرض على كام سنه لأنى لفيت لقيت كله بيحول على بنك أو يقسط الربع مع المعرض و على سنه واحدة بس.
ارجوكم تفيدونى.
أخوكم تعبان و عايز يخلص من الموضوع ده
و شكرا ليكو يا أجمل موقع

رد: في أمس الحاجة لاستشارة منكم
 

الكرسى ممكن السروجى يعليهوك لحد 25 سم الدواسات البنزين هتعلى و يعتلى الريجلاش بتاعها الفرامل هيتعملها قاعدة تعليها لحد رجلك الدبرياج ممكن تلغيه خالص بموتور و طنبورة و اير صغير و مفتاح كونترول بيركبو على الدواسة و بدل ما تحط رجلك على الدبراياج هتدوس على زرار يسحبه فى عصاية الفتيس تخلص النقلة بتاعتك و تسيب الزرار الدواسة ترجع مكانها تانى

و الف سلامة ليك

رد: في أمس الحاجة لاستشارة منكم
 

انا متشكر جدا لاهتمامك
بس برضه مردتوش عليا لو عايز اغير العربيه ايه رأيكو في النوعين اللى قولتهم و سعرهم .
و أهم سؤال تعرفوا حد يقسط باقي ثمن العربيه تقسيط مباشر معاه على اكثر من سنه.
و برضه شكرا تانى ليكو

رد: في أمس الحاجة لاستشارة منكم
 

انا بشكر اللى رد عليا لكن ما زالت اسئلتي متجتاوبتش
فين خبراء التقسيط
و فين خبراء الماتريكس و الكارينزSLAM

رد: في أمس الحاجة لاستشارة منكم