|
اسعار قطع غيار و مصنعية ميكانيكى
السلام عليكم
انا قررت زى ما استفدت كتير من المنتدى و مازلت استفيد فقولت انا كمان احاول افيد الناس و لو بشئ بسيط من شوية حاجات عملتها للعربية بلية عجل ايطالى 45 جنية 2 كاوتش كوبلن داخلى و خارجى 10 جنية زيت ماتور التعاون الاحمر 45 جنية فلتر زيت مصرى 10 جنية و الميكانيكى ركبهم و اخد مصنعية 35 جنية رحت شارع التوفيقية جبت: كوريك تمساح 1 طن 120 جنية صليبة عجل فضى لميع نضيفة 30 جنية عدة مفاتيح 8/9 الى 20/21 المانى نضيفة 40 جنية و ياريت لو اعرف رايكم فى الاسعار و المصنعية |
رد: اسعار قطع غيار و مصنعية ميكانيكى
تسلم ايدك :fun_36_3_16[1]:
|
رد: اسعار قطع غيار و مصنعية ميكانيكى
تمام اوى انا بجيب زيت التعاون الاحمر ب 55 جنيه والفلتر ب 15 جنيه هو حضرتك جايب الحاجات دى منين بالظبط
|
رد: اسعار قطع غيار و مصنعية ميكانيكى
معلش يا شباب عاوز أعرف معلومات عن زيت التعاون الأحمر ده
يعنى متعدد اللزوجه و لا احادى و إسمة أيه بالضبط و بيقعد كام كيلو لأنى كنت بأحط شيل الأحمر 3000 و سمعت إن بنزينات شل إتباعت لموبيل و بالتالى مش عاوز أحط موبيل لسببين (نقدر نخليهم ثلاثة): 1- غالى 2- خفيف و سريع التطاير و التبخر 3-"نضيف" و طبعاً العربيات القديمة واخده على الزيوت المضروبه, لو حطيت لها زيت عليه إضافات تنضيف المكنه و إزالة الكربون و خلافه هتظهر عيوب كنا فى غنى عنها (ربنا يعافينا منها). الأسباب دى خليتنى أفكر فى التعاون أو بترومصر (أى زيت ثقيل و خلاص) معرفش زيوت وطنية نظامها إيه؟ المهم لو حد يعرف يفيدنا فى الموضوع ده و بالأسعار و المواصفات ربنا يجازية عنا خير. |
رد: اسعار قطع غيار و مصنعية ميكانيكى
زيت التعاون الاحمر سوبر ستان احادى الدرجة مش متعدد
كان حلو لما جو مصر درجات الحرارة مش زى الشتاء دة انما النهردة بنتكلم فى درجات حرارة قليلة اوى بصراحة فاعتقد الزيت احادى الدرجة هايعمل مشاكل كتير فى الموتور وكمن الزيت الـ 20w-50 اعتقد كمان انة مبقاش مناسب |
| الساعة الآن 09:38 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017