مصر موتورز مجتمع السيارات - تغيير اكرة الباب المكسوره لل a516 خطوة بخطوة

السلام عليكم

فى الموضوع ده هنتعرف على كيفية حل فرش الباب الخلفى للأسبيرانزا A516

ايضا هنتعرف على طريقة تغيير اكرة الباب المكسوره

http://i1215.photobucket.com/albums/...ps67da32f4.jpg

فى البدايه عندنا اربع مسامير فى الباب عاوزين نفكهم كما موضح فى الصوره

http://i1215.photobucket.com/albums/...ps7edef433.jpg

مسمار اكرة الباب عليه طبه بلاستيك
نفكها بمفك مبطط ونخلع المسمار

http://i1215.photobucket.com/albums/...ps416d8d8f.jpg

لخلع حلية الأكره هنزقها بمفك مبطط من نفس المكان الموضوح فى الصوره
وبعد كده هنزقها للخلف علشان نفك اللسان بتاعها من فرش الباب

http://i1215.photobucket.com/albums/...psd0a481ed.jpg

ودى صوره للسان بتاع الحليه
طبعا عند التركيب بعد ما نخلص بنعكس وبنركب اللسان اولا

http://i1215.photobucket.com/albums/...ps665e5c3f.jpg

المسمارين بتوع قايم الباب عليهم طبتين بلاستيك برضه
هتحتاج حاجه رفيعه علشان تخلع الطبتين قبل ما توصل للمسامير
بعد خلع المسمارين هتشيل الحليه كما نوضح فى الصوره

http://i1215.photobucket.com/albums/...psd6cde8c5.jpg

لخلع فرش الباب هنشد من تحت نحو الخارج علشان نفك الكليبسات الى ماسكه الفرش
فك كل الكليبسات وانت ماشى للأعلى

http://i1215.photobucket.com/albums/...ps949503bf.jpg

بعد كده هنزق فرش الباب لأعلى من الجنبين لخلعه تماما من السياره

http://i1215.photobucket.com/albums/...ps0d0b4ac7.jpg

نفك البلاستيك الأبيض بالراحه ونحافظ عليه
هنلاقى الأكرة قدامنا

http://i1215.photobucket.com/albums/...pse2efbd8d.jpg

نفك المسمار الموضح
( المسمار التانى مش ضايع ولا حاجه ده الى فكيناه علشان نخلع حلية الباب اول حاجه )

http://i1215.photobucket.com/albums/...ps04a141b7.jpg

هتطلع معاك الأكرة القديمه هنفك منها السلكتين الخاصين بالفتح وبالمسوجر بتاع الباب
طريقة الفك كما فى الصوره
نشد السلك للخارج ( السهم الأزرق )
وبعدين نطلعه تماما من الأكره ( السهم الأحمر )
وهكذا مع السلك الآخر

http://i1215.photobucket.com/albums/...ps64eacb48.jpg

نركب السلكين فى الأكرة الجديده بعكس الترتيب السابق
الأحمر ثم الأزرق
ممكن تحرك دراع الأكره أو المسوجر لو احتاجت علشان يسهلك العمليه

نرجع الغلاف البلاستيك كما كان بالضغط على الشريط الأسمر

http://i1215.photobucket.com/albums/...pscc625d15.jpg

ونركب كل ما سبق بطريقة عكسيه

مبروك على الأكره الجديده :10FEE3~1106:

وتقبلوا تحياتى