|
الموتور قفش -افيدوني يرحمكم الله
السلام عليكم ورحمة الله و بركاته
انا معايا عربيه نيفا 84 وانهرده كنت ماشي علي الطريق الدولي وبدون مقدمات العربيه سرعتها قلت و سحبها ضعف مع صوت تكتكه و اثناء طلوعي لمطلع فضلت العربيه تهدي و بعد المطلع مباشرة طلع عليا دخان معرفش من تحت التابلوه وللا من جنب الفتيس و كان دخان لونه اسود مع ريحة شياط خفيفه و العربيه بطلت حاولت ادورها تاني مدارتش و مفيش مارش يدوب تكة الكونتاك بس - المهم قطرتها لحد اول ميكانيكي شافها و قالي الموتور قفش و هتحتاج عمره كامله فاخدت العربيه قطرتها تاني لحد البيت عندي بعد الصدمه دي لاني مش حمل عمرة الموتور بس عاوز من حضراتكم تفيدوني عن تشخيص العطل ده فعلا زي ما قال الميكانيكي ولا حاجه تانيه و التكلفه ممكنن تكون كام ارجوا الاهتمام و جزاكم الله خيرا |
رد: الموتور قفش -افيدوني يرحمكم الله
العمرة تكلفتها فى حدود 3000 جنية
|
رد: الموتور قفش -افيدوني يرحمكم الله
هى العربية فيها زيت؟؟؟؟؟
|
رد: الموتور قفش -افيدوني يرحمكم الله
ايوه فيها زيك و لمبة الزيت منورتش وقت العطل
|
رد: الموتور قفش -افيدوني يرحمكم الله
غريبه انه يحصل بدون مقدمات
حالة الموتور كانت ايه قبل الموضوع ده ؟ وهل مؤشر الحراره كان شغال وحضرتك بوجود زيت فهل كنت بتغيره فى ميعاده صراحة متابع للمعرفة وكان الله فى عونك |
| الساعة الآن 09:04 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017