صوت صفير عند بدء تحريك السيارة
 

السلام عليكم

التهاردة بعد العشاء فى الجو البرد الفظيع ده كنت خارج ودورت العربية هيونداى لافيتا اوتوماتيك ومشيت بيها وبعد ما مشيت شوية سمعت صوت صفير عالى اوى كنت مفكرة من العربية اللى جانبى وبعدين بشيل رجلى من على البنزين الصوت راح . دست تانى الصوت رجع والصوت كان مرتبط نوعا ما بالدركسيون برضه.
المهم شديت بالعربية جامد وبعد دقيقتين الصوت راح خالص.

عاوز اعرف الصوت ده سببة ايه وايه الحل وهل يمكن الجو البرد ده كان السير منكمش فعمل الصوت ده ولما شخن اشتغل طبيعى.

يا ريت حد يرد ويعرفنى السبب

وجزاكم الله كل خير

رد: صوت صفير عند بدء تحريك السيارة
 

الصوت ده لازم حد متخصص يسمعه

بس فى الغالب ... الصوت ده بيكون صوت صرير احد السيور .... السير بيتزحلق من على الطنبورة
و ممكن حضرتك تعرف السير ده ... تبص على السير ... حتلاقى فيه جنب من الجوانب ناعم خالص و احيانا بيلمع
و فى الغالب السير ده بيحتاج يتشد .. او كان جه عليه مياه
تابع حالة السير ده كام يوم و شوف اخباره ايه
و فى انتظار حد يفيدنا اكتر من الاخوة الاعضاء

رد: صوت صفير عند بدء تحريك السيارة
 

دا فيه عربيات زيرو فى الجو دا و بتصفر
دا اكيد سير الدينامو او الباور
الا لو عندك الباور كهربا فاكيد سير الدينامو
جرب شد عليه شوية كمان

رد: صوت صفير عند بدء تحريك السيارة
 

هو سير الدينامو ابن اللذينه عملها معايا الصبح اتابى الكابوت اخد ميه لا تشد ولا ترخى فيه سيبه فى حاله و سخن العربية وربنا يستر علينا فى الجو ده واطريت افصل الاير ماس وحساس الحراره عشان العربية تدور و البطارية ملقتش فيها ميه تقريبا ربنا يستر و يعديها على خير

رد: صوت صفير عند بدء تحريك السيارة
 

االف شكر ليكم على الردود