اه يا عفشتى يانى !
 

سلام عليكم

الموضوع ده انهارده عشان انقل تجربة المأساة اللى حصلت فيا بسبب غباء العفشاجية عشان اكون عبرة لغيرى اللى بيفكر يروح لأى عفشجى يطبخ و يطبل فى عربيته بلا رحمه او شفقة بالراجل الغلبان اللى بيصرف

ناس بتفتى و بتخاطر بأرواح البشر و كله تحت مسمى الفهلوة

فاكرين الحادث اللى حصلى قبل كده بالعربية لما فقدت السيطرة و خسرت دونجل و مساعد و مقصين بالبيض بتوعهم و طاقم الكبالن :(

لما روحت للميكانيكى اللى المفروض ثقة و بتاع فولكس بس و متخصص و و و

ركب بيض المقصات غلط

ده اكتشفته ازاى | ؟؟


العربية كنت ماشى من اسبوع بيها مع والدتى رايح اوصلها مشوار بالليل نزلت فى نقرة و انا على التانى و هادى خالص طلعت بالعربية بدوس فرامل قبل مطب لقيتها بتحدف يمين جامد جدا و صوت رزع رهيب

رحت نازل ابص تحتيها لقيت العجلة بترعش مع حركة ايدى قولت اخد طريق فاضى و اجرب امشى شوية على ما نوصل لمشوارنا الرزع و التخبيط بقى قولت بس كده بيضه مفكوكة اروح للميكانيكى الخبرة يبص عليها

قالى المفاجئة ان المقص مكسور اتكسر ازازى ده عمره 3 شهور من تاريخ الحادث و بحالة قالى ده سوء استخدام

ممكن يكون عنده حق عشان احيانا اخويا بيطلب العربية يروح دروسه او مشوار و مواصلات العبور كلها غالية

المهم رفعت نص الهاند و مشيت اول و تانى لحد اما ركنت العربية تحت البيت

و بعد كده دورت فى المقصات القديمة لقيت مقص سليم لكن فيه عوجه نص سم قولت خير اوديه لصديقى احمد بتاع الاسكاترات و التكييف و شغال على موضوع تعديل الفيات فى الفريق مع اسلام

المهم شاف المقص قالى الجلب سليمة قولتله ينفع يتعدل على البارد بدون اى تسخين قالى نروح نكبسه عند الخراط - لو اتسخن المعدن خواصة بتتغير - الحمد لله اتكبس و اتظبط و راجعته بالبوكوليز

اخدته معايا عشان نركبه انا و هو و اسلام للعربية تحت البيت كانت المفاجئات زى الفل

البيض راكب غلط ؟!

ايه ازاى قالى البيض ده لازم يكون جوه المقص مش تحتيه عشان و هو تحت مع هزة العجل و المطبات بيروح و يجى لحد اما نحر المقص كله

طيب تعال نركب اللقم اللى كانت معانا منفعتش قولنا نسيبها للصبح و اشتغل فيها انا على قد ما اقدر و بعدين اروح للعفشجى و هيا ارزاق بس المره دية هكون عارف اعمل معاه ايه بالظبط


اليوم التالى :_

1-بصيت على الكتالوج العربية و قعدت افهم كل حته فى نظام التعشيق كلها بتاع العربية

عرفت ان المقص عندى لازم يركب كده زى الصورة ما موضحة

http://www.masr1.com/di-RFMM.png

صور للتوضيح بمقص و بيضة خرده

يعنى الصح كده

http://www.masr1.com/di-0UTG.jpg

و الغلط كده بالنسبة لعربيتى

http://www.masr1.com/di-SD33.jpg


2- نزلت تحت العربية و قولت بسم الله لقيت البيضة مساميرها قاطعة قفيز كاوتشته الكوبلن فعملتها و شحمته

3-بعد كده بصيت على الموتور كان في اهتزازات عالية لقيت قاعدة الامامية بتاعة قنطرة السدر مش موجودة اساسا و الميكانيكى لافف خرطومين بشيكارتون و حاططهم مكانها :)

نزلت الحرفيين جبت قاعدة جديدة و جبت الكوريك و حليت القنطرة كلها و ركبت القاعدة بعد ساعتين من المجهود و كان في كام مسمار ربطهم عشان طلعو من مكانهم تحت تأثير الاهتزازات

4-رحت على العفشجى بقى قولتله يغير المقص و يعدل البيضة التانية واحد تانى بيسمع الكلام المهم عملهم و كان المنظر بتاع المقص كده و محدش يضحك دول 420 ج فى الارض

http://www.masr1.com/di-3RXW.jpg

http://www.masr1.com/di-O7YC.jpg


5- بعد ما خلص رحت على بتاع ظبط زوايا الكمبيوتر و هنا بقى قفشت الراجل و عرفت الغلط بيحصل فين عنده البيه بيظبط على فولكس براتى و انا جول مايلى خليته يدور فى السوفت وير كله لحد اما لقى العربية و ظبطها

طبعا ميهدالوش بال غير اما يفحص العفشة طلعلى بارة الطرف اليمين مهلوكة و عاوزة تتغير و طبة الاسكاترة عاوزة تتغير و غطاء علبة الباور محتاج تغيير مش بيسرب بس الايد اللى عليه مكسوره و بيتفتح بكماشة


6-رحت لبتاع الكاوتش زى ما بيقول الكتالوج و خليته يظبط حسب ما بيقول الكتالوج بص على غطاء تانك البنزين و فيه ضغط العربية القياسى اللى لازم يتظبط عليه الاطارات

قولتله اظبط على 27 امامى 32 خلفى قالى اظبطلك على 30 كله قولتله لا امشى حسب الكتالوج

http://www.masr1.com/di-61KG.jpg


7-خلصت ده و قولت اطمئن على الموتور لقيت الراديتير عليه تنقيط من حته فوق رحت جبت ايبوكسى و عملته و اتكتم و الحمد لله رجعت العربية تتنفس الصعداء من جديد


اللى غايظنى بقى ان اللى حصل ده كله اخد وقت و فلوس و مجهود مرعب عشان كده رجاء اللى يروح يعمل عربيته لازم يقراء كتالوجها و يعرف كل تفصيلة فيها و الا هيلبس فلوس و وقت و خطورة لا قدر الله

رد: اه يا عفشتى يانى !
 

رد: اه يا عفشتى يانى !
 

رد: اه يا عفشتى يانى !