|
تقرير مبدأى عن استلامي لسيارة بي واى دى 2014 كاملة اوتماتيك
بسم الله الرجمن الرحيم استلمت سيارة بى واى دى 2014 كاملة اوتماتيك فيرانى فاتح والحمد لله من معرض الغد بالمنصورة توكيل بي واى دى بالدقهلية مبدايا السيارة بسم الله ما شاء الله فخمة وانسيابية جدا بس كالعادة اى عربية تقفيل مصري بيظهر فيها عيوب كتير ورا بعض يعني يدوب خرجت من المعرض اول ملاحظة لاحظتها ان فيه صوت جرس غريب طالع من الفردة الشمال الخلفي للعربية وقفت العربية ونزلت ابص يمكن يكون في سلسلة ولا اى حاجة نازلة هى الى بتعمل الصوت دة وبتحوك في الاسفلت ملقتش اى حاجة والصوت لحد دلوقتي مراحش نهائي بس بيختفي على فترات وبيرجع تانى .. تانى ملاحظة لاقيت صوت حكة جامد جدا عامل زى صوت ميكروفون حديدة وهو قريب من اى شيء صلب كدة زنة كبيرة ودى من الفردة اليمين امامى للعربية وبيزيد صوتها لما باخد ملف شمال اول محرك الدركسيون شمال الصوت بيزيد .. ثالث ملاحظة استهلاك البنزين بيبقى حوالي لتر لكل 10 كيلو داخل البلد يعني انا مشيت بيها من بعد اول تفويلة 400 كم والتانك فاضل فيه حوالي 10 لتر بس ودة اعتقد انه معدل عالي .. رابع ملاحظة ان السيارة ساعات بتنتش وهى ماشية و كل الناس قالت ان دى حاجات عادية هتروح مع اول صيانة للالف حتى مركز الصيانة بتاعها في المنصورة قالى نفس الكلام متقلقش وكل شيء هيبقى كويس اول متيجي تعمل الصيانة يا ريت يا جماعة اى حد عنده تعليق على الملاحظات دى يطمنى لانى صممت اجيب زيرو عشان متعبش في التصليحات والاعطال كل شوية ورغم كل دة الاقي العربية الزيرو زيها زى المستعمل وبيظهر فيها حاجات كتير |
رد: تقرير مبدأى عن استلامي لسيارة بي واى دى 2014 كاملة اوتماتيك
لو كان معاك الشكل الجديد صورو وقول المواصفات
لو الشكل القديم احكيلنا مواصفات العربية و سعرها ومبروك |
رد: تقرير مبدأى عن استلامي لسيارة بي واى دى 2014 كاملة اوتماتيك
الله يبارك فيك
مفيش شكل جديد في الاف ثري نزل مصر الفروق بتبقى في الكماليات فقط لا غير |
رد: تقرير مبدأى عن استلامي لسيارة بي واى دى 2014 كاملة اوتماتيك
يعني انت مثلا عندك بصمة و تشغيل بدون مفتاح
|
رد: تقرير مبدأى عن استلامي لسيارة بي واى دى 2014 كاملة اوتماتيك
لا لا الكلام دة في الشكل الجديد الى نزل الصين بس التصميم والكماليات دى مش هتنزل مصر خالص دلوقتي ولو نزلت خلال السنتين الى جايين هتلاقي سعرها عالى جدا بالاضافة لان شركة الامل وكيل لادا وبالبى واى دى مش من هواة تغيير التصميم والدليل اللادا الى بقالها ميت سنة نفس الاشكال |
| الساعة الآن 12:42 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017