مصر موتورز مجتمع السيارات

السلام عليكم الاعضاء الاعزاء
انا غيرت شوية حاجات حبيت اشاركها معاكم
اولا غيرت البوجيهات جبت ال NGK اليابانى من عند فايز ودة عندنا فى الاسماعيلية ب 60 جنية وساعتها عرفت يعنى اية استهلاك الصنى بصراحة كانت بلاعة الاول دلوقت الصفيحة تمشى حوالى 200 كم واكتر لانى رجلى خفيفة قوى على البنزين وبمشى على مهلى
ثانيا ودة الاهم وياريت حد يفدنى فيها
وش الفانوس الخلفى يمين اتكسر منه حته قد قبضة ايدة انا عملتها بسلوتيب وسبتها شوية وبعدين شكلها كان مش مريحنى قمت دورت على وش الكشاف واحد عندنا فى الاسماعيلية قالى ملهاش وشوش ولازم تشترى الفانوس كلة وعندة ب 250 جن بيقول اتحاد اوروبى
انا ماقتنعتش دورت لقيت عند القصيم ودة عندنا فى الاسماعيلية لقيت الوش ب 60 ودة الاصلى على حسب كلامة وبصراحة شبة الاصلى تمام لكن جيت افك الوش المكسور طلع عينى اضريت اكسرة حتت صغيرة ونضفت ماكنة جيت اركب الوش انا فاكرة بيركب كبس لقيتة مش نافع قمت لزقته من الاحراف بسلوتيب وركبته شكله تمام بس حاسس انه شغل حلمنتيشى ياريت حد يفدنى يتركب ازاى
ثالثا ودة الاهم انا حاسس ان العربية مخنوقة يعنى هية كويسة لواحد زيي اخرة 100 -120 لكن بحس ان العربية مش بتفتح بسهولة
وشكرا