|
مشكلة تنتيشة ومشكلة فى امبير البنزين
السلام عليكم ورحمه الله وبركاته انا معايا لانوس 2005 كاملة 153000 كم معلش يا جماعة انا هاتقل عليكم شوية العربية لما بتكون ع اى غيار من الاول للخامس فيه نتشة وده بعد ما اشيل رجلى من ع البنزين وده انا مش عارف سببه ايه فا بضطر عشان العربية ماتعملش النتشة دى يا اما ادوس دبرياج او ادوس بنزين لو الطريق يسمح او امور الفتيس واوقات ع السلانسية بلاقى الار بى ام بيقل عن الواحد ويعلى قبل الواحد ونص كدا مع انى غيرت بوجيهات بسلوك البوجيهات وفلتر البنزين ونضفت فلتر الهواء اما الحاجة التانية عداد البنزين بيقرا غلط يعنى بيقلل ربع الكمية عن البنزين الفعلى فى التانك لما اقول التانك الاقيه مدينى على ثلاثة ارباع التانك فا ياريت اللى يعرف حل الموضوع ده يرد عليا وجزاكم الله كل خير مقدما |
رد: مشكلة تنتيشة ومشكلة فى امبير البنزين
بالنسبة للعيب التانى دى العوامة بتاعة طرمبة البنزين
بتتغير عادى وسعرها بالتركيب حوالى 90ج واى كهربائى بيعملها |
رد: مشكلة تنتيشة ومشكلة فى امبير البنزين
شكرا لاهتمامك طب بالنسبة للعيب الاولانى
|
رد: مشكلة تنتيشة ومشكلة فى امبير البنزين
والله بالنسبه للعيب التانى هو زى ما قال الاستاذ مصطفى
وهو برده كان عندى بس انا رحت فاكك التابلوة ورحت فولت وانا واقف فى البنزينه رحت زاقق العداد لفوق شويه بحيث انه يتظبط على ال f او بعد الا f بحاجه بسيطه كده لانه لما بيبقى مفول المفروض تبقى فوق العلامه بحاجه بسيطه وشغاله وزى الفل بقالى سنه |
رد: مشكلة تنتيشة ومشكلة فى امبير البنزين
لمبة ال check منورة ؟
|
| الساعة الآن 06:07 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017