|
صوت الموتور عالى فيرنا اوتوماتيك 2010
السلام عليكم ديه اول مشاركة لى فى المنتدى انا لى استفسارين انا بعانى من مشكلة ان صوت الموتور عالى وال RBM بيوصل لل 4 وال 5 الاف لفة على ما بينقل للغيار اللى بعديه حاجة تانية انا حاسس ان الطارة عندى تقيلة قوى وانا واقف خصوصا انى لسه راكب نفس الموديل بتاعت زميلى من يومين كان فى فرق واضح جدا ان الطارة نعمة جدا سواء واقف او ماشى ياريت اللى يعرف حل للمشكلتين دول يبلغنى وجزاكم الله خيرا |
رد: صوت الموتور عالى فيرنا اوتوماتيك 2010
بص ياباشا حكاية ان الطاره تقيله وهي واقفه ده طبيعي في اغلب العربيات وبلاش تدور على ان الطاره تخف حتى وانت واقف لان على السرعات هتبقى خفيفه بدرجه مرعبه فدي متلعبش فيها حكايه بقا ان صوتها عالي فده طبيعي للاتوماتيك اللي بيكون ال rbm اعلى شوية من المانيوال والمشكلة ده بتواجهني برضو لاني معايا نفس الموديل وحاجه كمان ان حوض الڤيرنا مش معموله عزل صوتي اطلاقا حتى مفيش البطانه اللي المفروض تكون في الكبوت من جوه لكن هي للامانه انا اتعودت عليها وبقيت احس ان صوتها بيعوضني عن اني اركب ديڤل مثلاً :)) وخف رجلك على الاكسلاتير لان المفروض توصل ل3500 rbm على الغيار الرابع الا لو كنت غاوي كيك داون وكده خد بالك فتيس الڤيرنا الاتوماتيك حلو اه بس مش بتاع فرتكه وحرق في الاخر
|
| الساعة الآن 06:59 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017