|
أفيدونى . الصح أيه فى اليايات الورقيه ؟
لما بيكون راكب ثلاثه ورا و فى اى مطب بتكون فيه تزييئه واضحه قوى . رحت لبتاع العفشه يشوف المساعدين . قاللى المساعدين كويسين روح للحداد المختص بالسست . رحت النهارده قاللى انهم ثلاث ورقات و الصح نخليهم اتنين ده اذا مكنتش بتحمل العربيه و انا فعلا قليل قوى لما بيركب تلاته ورا . و بعد الاخد و الرد فى الكلام وافقت على اساس انى فى اى وقت ممكن اركبها تانى . فكهم و عمل مقاسات فى الجانبين و فى النص للحديده الام و بالمرزبه يعدل و يقيس لغاية ما قال كده مظبوط و ركب الاتنين ووضع الحشو السابق اللى كان بينهم و ركبهم تانى . معلش طولت عتيكم
برغم قراءتى لموضوع سابق فى هذا المنتدى لنفس الموضوع الا انه فضل تركيب اليايين وليس الثلاثه . مع العلم بأن السستتين حدبد و ليس فبريكه المتركبين حاليا . الاخوه الافاضل .. أيه الصح اتبين و لا تلاته ؟ |
رد: أفيدونى . الصح أيه فى اليايات الورقيه ؟
كدة الوضع عندك مظبوط وطبيعى والصح وكل حاجة تمام ان شاء الله
|
رد: أفيدونى . الصح أيه فى اليايات الورقيه ؟
ايوة يا عم احمد اتنين هو شغل بلادها و اكيد ده الافضل لان الخواجة عملها كدة
بس انت لو بتركب ناس معاك او دايما معاك اتنين او تلاتة ورا خليهم تلات ورقات هى هدب شوية بس انا لما رحت للراجل تانى عشان يشوف حكاية للدب ده قنطرهم و فردهم الشوية ارتفاعهم قل يعنى الدب خف عن الاول كتير بس لسة موجود بس ارحم من الاول و خفيف |
رد: أفيدونى . الصح أيه فى اليايات الورقيه ؟
شكرا مستر استرا . شكرا الاخ محمد على الرد . و لكن....
جربت العربيه النهارده . قعد تلاته على الكنبه ورا و مشيت شويه وكانت الصدمه هبطت العربيه من ورا و كأن العربيه بتزحف مش بتمشى علاوه على صوت احتكاك جامد يعنى كل حته ورا بتحك فى بعضها . و قولت ياريتنى ما فكرت فى هذه الخطوه . عموما بكره اشاء الله اول حاجه هاعملها هاروح ارجع الوضع كما كان فى الاول . ياريت من الاخوه الافاضل اللى عنده فكره ايه اللى اقوله للراجل اللى هايشتغل يعمل ايه لو معملوش . زى مثلا فيه حشو بيتحط بين الحديد ايه هو . وايه تانى .؟ تحياتى للجميع . |
رد: أفيدونى . الصح أيه فى اليايات الورقيه ؟
اخى الكريم
فى صدادة كاوتش مدببة راكبة فى الكرتيرة بتمنع المقص انة يوطى اكثر من اللازم .... متهيالى انها مش راكبة عند هما اتنين واحدة فى كل جنب وبعدين اكيد خامة السوستة عندك مش تمام انا لو مكانك هاروح اجيب سوستة استيراد واركبها لان السوست المصرى سيئة جدا اولا ناشفة اوى وثانيا بتهبط جامد لكن فى كل الاحوال لازم تتاكد من وجود الكاوتش المصد فى كل جنب |
| الساعة الآن 08:33 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017