مصر موتورز مجتمع السيارات - معايا فى حدود 52 الف جنية وعايز اشترى عربية متتعبنيش

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

معايا فى حدود 52 الف جنية وعايز اشترى عربية متتعبنيش

معايا فى حدود 52 الف جنية وعايز اشترى عربية متتعبنيش بس المشكلة فى ان اصدقائى والميكانيكى اللى بتعامل معاه بينصحنى باليابانى زى اللانسر الكرستالة او الكورولا المشكلة ان الموديلات بتاعتهم فى التسعينات يعنى اكتر من 13 سنة وفى احد الاصدقاء قالى اشترى فرنا موديل 2008 وتبقى جديدة وحالتها هتبقى افضل بصراحة مش عارف ايهما افضل هل اليابانى رغم انة موديل قديم رغم ان من الممكن يكون فى عربية حالتها نظيفة ولا الفرنا وطبعا اكيد هتكون نظيفة بالله عليكم افيدونى وشكرا

رد: افيدونى لو سمحتوا ضرورى

بص العربيات دى ازواق
فى ناس بتميل للعربيات العريقة زى المرسيدس والبى ام والاوبل والفرنساوى
وفى ناس بتميل للحديث (كورى - صينى )
الفكرة هنا فى اية
اكيد فى الفلوس
اى واحد فينا عاوز يركب عربية اوروبي موديل حديث وبكدة يبقى اخد كل حاجة ......الموديل الحديث + المتانة والقوة والعراقة والبرند نيم
طب اللى فلوسة مش مكملة وعاوز يركب عربية محترمة بيتجهه نحية العربيات العريقة لكن موديل قديم وبيتعايش مع الاعطال وبيصرف فلوس صيانة كتير فى مقابل انة راكب حاجة محترمة
وفى ناس تتجه نجية الموديل وبيغمض عينة عن بلد المنشا وبكدة هو مش بيصرف صيانة كتير او خالص وبيقول اهى عربية مادية الغرض وبتروح وتيجى ومش تعبانى فى حاجة ودى بتاخد اربع افراد وبتمشى 100كم والتانية بتاخد 4 افراد وبتمشى مية والاتنين بيوصلو

فبترجع لنفسية المشترى وهو عاوز اية
ادامك 3 اختيارات هانستستنى الاول منهم ( عربية عريقة + موديل حديث) بسبب الفلوس
ويبقى ادامك اختيارين
عربية موديل حديث كورى او صينى
او عربية موديل قديم بس ماركة
من واقع اللى الواحد بيشوفة اقدر اؤلك طبق المثل اللى بيقول "قرد بيتنطط ولا اسد عجوز"

خليك فى الكورى وانا شايف ان انسب اختيار بفلوسك هى نوبيرا 2 هاتيجى موديل 2005 او 2006 مثلا وفبريكة برة وجوة اهى واخدة من الاوبل شوية وعربية حمالة اسية وقطع غيارها رخيصة جداااااااا
انما هانروح لموديل قديم هاتطلب منك صيانة كتير بالاضافة الى الصيانة اللى اتعملت فيها قبل كدة فى السنين السابقة مع المالك القديم وبكدة يبقى انت راكب عربية هجينة وراكب ليها قطع غيار هى معظمها صينى بس الشكل بتاع العربية يابانى او اوروبي
وبينى وبينك الدنيا بقت مشاغلها كتير والواحد عاوز يجيب عربية تخدمة وتكون شغالة عندة مش هو اللى شغال عندها وبيجرى عليها
دة راى

رد: افيدونى لو سمحتوا ضرورى

اقتباس:

المشاركة الأصلية كتبت بواسطة mr_astra (المشاركة 931755)

انا شاكر ليك ردك عليا بس هل لانسر 99 مش هتكون افضل من النوبيرا 2 وخصوصا ان النوبيرا بيقولوا العفشة دائما مشكلة من مشاكلها اللى مبتخلص وشكرا ليك

رد: افيدونى لو سمحتوا ضرورى

عفشة النوبيرا مش وحشة ولا حاجة هى بس عاوزة تغير جلب المقص على فترات متقاربة وليها حلول كتير انما باقى العفشة زى الفل
كمان فيها مشكلة متكررة وهى حساس الشكمان بيبوظ كتير
ومع ذلك انا افضلها عن الـ لانسر 99
الحجتين دول تفتكر بيتغيرو بكام !!!
250 جنية على الاكثر

رد: افيدونى لو سمحتوا ضرورى

اقتباس:

المشاركة الأصلية كتبت بواسطة mr_astra (المشاركة 932044)

والله انا شاكر ليك وبرغم عشقى للانسر س انت غيرت راى بس عندى سؤال اخير وهو اية رايك فى النيسان موديلات التسعينات واوائل ال2000 واية رايك فى الكيا سيفيا 2 واكون شاكر لتعبكم فى المنتدى المحترم