|
فيه ميه بتنزل من العربيه
السلام عليكم
انا يا جماعه النهارده كنت رايح مشوار حوالى 3 كيلو وصلت وركنت وبطلت العربيه وقعدت فيها شويه نزلت لقيت ميه تحت العربيه من ناحية الفانوس والعجله اليمين " الجنب اللى فيه الدركسيون " الميه دى كانت نزلت قبل كده برده وبعدين لقيت الردياتير مشروخ من فوق حته صغيره والعربيه كانت عند الميكانيكى بيعمل فيها شغل فلحمهولى بصمغ وقالى خليه كده وان شاء الله ميحصلش حاجه بس الافضل تغير الردياتير وانا الصراحه كنت عامل صيانه وغيرت حاجات كتير فى العربيه ودفعت 2500 جنيه فقولت خلى الردياتير دلوقتى وقولتله مفيش قلق من اللحام ده قالى ان شاء الله لا وابقى تابع معايا برده لكن النهارده اتضايقت اوى لما لقيت الميه دى بس اللى محيرنى انها بعيده عن الردياتير يعنى مش نازله من تحت الردياتير مباشرة لا دى واخده يمين الردياتير ياترى ايه الحل ؟ وهل كده لابد من تغير الردياتير ؟ |
رد: فيه ميه بتنزل من العربيه
طبعا غيره .........
|
رد: فيه ميه بتنزل من العربيه
اقتباس:
بس حضرتك تفتكر ان الميه دى منه ؟ اصل المشكله انها مش تحته مباشرة لا دى على يمينه بشويه مش ممكن تكون طبه ميه مثلا ؟ |
رد: فيه ميه بتنزل من العربيه
عندك حق
لازم بتأنى تبص و العربية دايرة الميه بتيجى منين |
رد: فيه ميه بتنزل من العربيه
الصوره دى بتوضح مكان الميه ومكان الردياتير انا مش عارف بقى ده عيب ردياتير ولا طبه ميه هحاول يوم السبت اعدى عالميكانيكى يبص عليها
http://im37.gulfup.com/xFdyQ.jpg انا لما بفتح الردياتير وازود ميه هيا العربيه بارده بلاقى الميه كتير وواصله لحد الغطا لكن لما بدور العربيه بلاقى الميه بتقل وبتاخد ميه عادى ! |
| الساعة الآن 10:03 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017