نويت انشاء الله اشتري لانسر
 

السلام عليكم و رحمة الله و بركاتة
نوين و النية لله اشتري سيارة لانسر هاف سبورت 2013 معروضه عليا من احد الموزعين ب 131000

ايه رأيكم...فيها و في قطع الغيار علما خارج مصر و عايز اشتري سيارة و هاستعملها مرتين في السنه و انا نازل مصر نهائي بعد 3 سنوات انشاء الله و عندي جراج و السيارات كل سنه بتولع و اكيد بعد 3 سنوات هاتكون وصلت 170 او 180 و لا 2014 نزل و اشوف واحدة احسن

بالله لا تبخلوا عليا

رد: نويت انشاء الله اشتري لانسر
 

هوه حاليا ال 2014 موجوده ب131.500 مفيش منها غير اول فئه لان اللانسر بومه احتمال كبير دي تكون اخر سنه تنزل فيها فلو هتشتري اشتري 2014
بالنسبه لقطع الغيار متوفره فى كل حته جديد واستيراد

رد: نويت انشاء الله اشتري لانسر
 

اشكرك يا ميدو بك
هي ال اي إكس هي القرش و بعدين بيقولو احسن ايه رأيك... و هل نزلت

معلش انا جديد على السوق المصري خصوصا ان الشباب بيسمو العربيات بأسماء غير مديلها الاصلي
قرش بومه كريستالة و انا بطلخبط

ممكن تقولي برضه الاسامي دي ايه هي اسماء موديلاتها

لان الشركة بتنزل ex و lancer

رد: نويت انشاء الله اشتري لانسر
 

انا اخالفك الرأى .....

لو حضرتك اشتريت اللانسر 2014 ..... حتيجى بعد 3 سنوات ستجد ان السوق فيه موديلات مختلفة و حديثة .... حضرتك حيكون معاك عربية ( جديدة )... بس موديل قديم

انا انصح حضرتك بالانتظار حتى عودتك لمصر بالسلامة و الاستقرار بها .... و بعدين تختار موديل عربية من نفس السنة ... ( ده لو حضرتك عاوز تشترى زيرو )
و لو حابب تشترى لانسر ... حيكون سعرها قل

و ده ميمنعش ان اللانسر عربية كويسة ... و قرارك الشراء .... مش حيكون مشكلة كبيرة

ربنا يوفقك للى فيه الخير

رد: نويت انشاء الله اشتري لانسر
 

بص اللانسر كريستاله دي موديل التسعينات مفيش منها جديد طبعا
ودي صورتها
http://im40.gulfup.com/ejCva.jpg

لانسر بوما فيه منها 2014 ودي ب 131.5 ودي احتمال تكون اخر سنه ليها وتتوقف
ودي صورتها
http://im40.gulfup.com/7yp4G.jpg

لانسر قرش دي موجوده بتنزل مع البوما من 2008 بتهيالى المهم فيه منها جديد 2014
بتبدا من 150 الف ودي صورتها
http://im40.gulfup.com/RHeyG.jpg

انا رايي استنى لما تنزل برده ممكن يكون فيه انواع احسن ولو مفيش تشتريها وخلاص بدل ما تركنها 3 سنين