|
هل اللادا 1500 هي اسد اللادا فعلا
السلام عليكم
انا عايز اجيب عربية في حدود 13 او 14 الف وبعد بحث ومقارنات لقيت ان افضل حاجة هي لادا 1500 بس مش لاقي موديلات الثمانينات مثلا كل اللي بلاقيه 78 او 79 ايه رايكم لو لقيت واحدة حالة كويسة 78 تكون في حدود كام لان في واحدة قدامي جنوط اسبور وسمكرة نضيفة الي حد ما وكراسي ياباني بس بيقولي عايزة طقم شامبر ممكن حد يقولي سعرها يكون في حدود كام وشكرا ححاول اصورهالكم |
رد: هل اللادا 1500 هي اسد اللادا فعلا
الادا 1500 جميله من ناحيه الصاج امتن من الجديد بس هي عربيه ثقيله على الطريق والدريكسيون ثقيل عن الادا 2107
|
رد: هل اللادا 1500 هي اسد اللادا فعلا
السعر يكون اقصى تقدير 13 الف
|
رد: هل اللادا 1500 هي اسد اللادا فعلا
لو هنتكلم عن الأسد و المعزة و الوطواط يبقى اللادا كلها واحد
نفس الميكانيكا و الضفيرة و الصوت و العفشة و الصاج و كل حاجه سواء لادا 2101-2102-2103-2104-2105-2106-2107-نيفا طبعاً معروف إن الموديلات القديمه أقوى شوية من الجديده و ده فى كل العربيات مش اللادا بس, يعنى الصاج أثقل شوية (أيام العز بقى) الموديلات الحديثة المصرى فقط هيا إللى فيها شوية حبشتكانات من بتاعة المصرين (نص باور و باور و تكييف و غيرة...) برضة الموديلات الحديثة فقط ممكن تلاقى منها أنجكشن و كربراتير بالنسبة لحاجه فى حدود 13/14 مش مهم سنة الصنع قد ما المهم الحاله (لأنها أكيد فى أواخر السبعينات أوائل الثمنينات) تتأكد من المكنه إنها شنبر بس مش غتحة عمرة و تطلع آخر خراطه للوش و تتضطر تسقط مكنه غيرها و تدخل فى حوار برضة تتأكد من الصاج , مش عيب تنزل تحت العربية تشوف بنفسك حالتها إيه, أنت هتدفع غلوس و الراجل هيعد وراك, يبقى لازم تبص عليها حلو آلات الجر, الفتيس و الكارونه لازم تتأكد من حالتهم و تجرب تجرى على سرعة عالية و تتابع صوتهم (فى صوت و لا لأ) حالة الدواخل و القوايم و الشنطة و السقفو فى حوادث سابقة لاقدر الله و لا نجت من المعركه بسلام. الشكل العام و الجنوط و فرش الصالون و .... مهمة بس مرحلة ثانية مش دى الأساسيات و ربنا يوفقك |
رد: هل اللادا 1500 هي اسد اللادا فعلا
بص انا معايا عربية لادا 1500 موديل 1998 متستغربش من الموديل العربية ماشية 60 الف كيلو فقد الحمد الله العربية فابريكة من كل حاجة عتقلى مفيش لادا 1500 الموديل ده انا معاك العربية ده كانت عربيات جيش ولم تستخدم ونزلت الخدمة سنة 98 وانا اشترتها من واحد فى القاهرة من مدينة نصر العربية ده والحمد الله كله بيقول انه مفيش زيها فى مصر وجايبالى سعر دلوقتى 23 الف جنيه بس انا رافض البيع وبقلها معايا لحد دلوقتى 5 سنوات زى الفل
بس طبعا 1500 تختلف عن العربيات الادا التانية بس هيا عربية جميلة وشديدة وربنا يوفقك وتلاقى النوع الى يناسبك |
| الساعة الآن 05:29 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017