|
شكر واجب لحمدي الميكانيكي بسبب عربيتي
السلام عليكم
طبعا بغض النظر عن الشغل حمدي صديقي وجاري في نفس الوقت انا كان عندي مشكله في عربيتي من ساعة ما اشترتها ان كل ما اغير تيل فرامل --- تيل الفرامل ياخد وقت عقبال ما يطبع وبيفضل قافش شويه في الطنبوره وبحس ان العربيه متكتفه - ودايما التيل بيصفر من ساعة ما اشتريه لحد مارميه والطنابير بتتاكل وبالرغم من ان العربيه كانت بتجري بحس ان سحبها تعبان جدا وبتجمع بصعوبه وطلع العلاج بسيط جدا واكتشفته عند حمدي علشان اول مره اركب تيل فرامل عنده كان البهوات الميكانيكه اللي قبله يخدوا تيل الفرامل الجديد يركبه علي الماستر بيدخلوه حشر وبيدقوا عليه بالشاكوش علشان يبات في المستر وده بيخليه محجر شويه وقافش علي الطنبوره ومش بيروح ويجي طبيعي يعني بيكون محمل علي الطنابير طول الوقت والعلاج انك بتجلخ التيل الجديد من فوق ومن تحت جوالي مللي علشان يبات باليد في الماستر بدون منحتاج لشاكوش وبالتالي مبيكونش محمل علي الطنبوره ومن اول ماركبت التيل الحمد لله العربيه فاقت جدا ومفيش صوت لتيل الفرامل تسلم يا حمدي علي الضمير والدماغ الصاحيه |
رد: شكر واجب لحمدي الميكانيكي بسبب عربيتي
السلام عليكم شكرا لنقل التجربه بس ايه سبب ان التيل مش بيركب مرتاح اكيد في عيب في الكلبيدات او البساتم والله المستعان |
رد: شكر واجب لحمدي الميكانيكي بسبب عربيتي
التيل لما تيجي تركبه بيكون اصغر من مساحته في الماستر فبيخليه يلق ويعمل تكه مع الفرامل فلازم نركبله سوسته ولما بنركبله سوسته بيتحشر جوه الماستر فلازم نجلخه شويه علشان يركب عدل مش مايل وميتحشرش في الماستر يعني عيب في اسطمبة التيل
|
رد: شكر واجب لحمدي الميكانيكي بسبب عربيتي
تسلم عالتوضيح يا ايمن باشا و ربنا يباركلك في العربية و يبارك لعم حمدي في دماغه الجميلة و إيده إللي تتلف في حرير |
رد: شكر واجب لحمدي الميكانيكي بسبب عربيتي
حبيى يا روبى ربنا يديم المعروف وانا بعمل الشغل مش فدماغى ان صاحب العربية يشوف انا بعمل اية وانا اتفوجئة بالموضوع ده دلوقتى الف شكر وربنا يجعلنى عند حسن ظنكم جميعا
|
| الساعة الآن 05:49 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017