مصر موتورز مجتمع السيارات - ارجوكم قولولى "ماتركس" ولا "كيا كارنز"

اهلا بيك معانا يا استاذ نادر ..
الماتريكس اصغر (طولها 4.05 م الكارينز طولها 4.5 )
والماتريكس موديلها اقدم ..(ماتريكس من 2002 الكارينز من 2007 )
الماتريكس موتورها 105 حصان .. الكارينز موتورها 124 حصان
الويل بيز للماتريكس 260 سم .. الكارينز 269
مش متأكد اذا كانت الكارينز فيها ABS .. لكن اكيد الماتريكس مافيهاش
الكارينز كوري .. الماتريكس الجديده تركي
وكيا نصير ضمانها 5 سنين مش 3 زي غبور
مش معنى كده ان الماتريكس وحشه .. لكن الكارينز احدث و اكبر و موتورها اقوى وعلشان كده اغلا ..
ولو تقدر تدفع الفرق يبقى الكارينز احسن ...
وعلى فكره انا معايا ماتريكس 2007 .. و الحمد لله ماشيه معايا زي الفل و مريحاني ... لكن اكيد فرق السعر اللي تدفعه في العربيه يديك فرق في حاجات تانيه ... خصوصا ان كيا و هيونداي مجموعه واحده ...
اتفرج على العربيتين .. و قارن الفرق بنفسك ..وان شاء الله الكارينز تعجبك ... ومبروك مقدما