السلام عليكم
من كام يوم لاحظت ان العربية متلته معايا ومن ثم قمت بالكشف عليها فوجدت ان سلك من سلوك البوجيهات نازل علي الفرن ( غباء تثبيت من الميكانيكي )
فطبعا رفعته علي العمه بتاعت الكاربراتير بشكل مؤقت لحد ما افضي له
والنهاردة كنت فاضي
فقلت اعمله وجبت فويل من بتاع البوتجازات ولفيت السلك لفه تمام ومن فوق الفويل لفيته ببكره لصق
وجيت ادور العربية حلفت طلاق بالتلاته ما هي دايرة ( مع العلم ان العربية اوتوماتيك )
لما لقيت نفسي حنيم البطارية قلت لا اجيب ميكانيكي احسن

وكانت الصدمة

الموبينه باظت

نفسي اعرف باظت ليه مع العلم ان قبل الموضوع ده كله كان ورايا مشاوير ورحتها والعربية كانت زي الفل معايا بدون اي مشاكل وعملت الموضوع ده لما روحت وهي راكنه تحت البيت

المهم
الميكانيكي قالي لازم موبينه وطقم سلك بوجيهات

اضطريت اجيبهم طبعا
موبينه تايواني ب 120 جنية بعد الفصال
40 جنية طقم سلك بتاع الفيرنا بس ركب عندي
مصنعيه تركيبه فقط 50 جنية
انا بقي كل اللي جنني فلوس المصنعيه دي انا حاسس انها مبالغ فيها اوي اوي اوي فهل فعلا زي ما المكانيكي قال اصل الموبينه جوه الاسبراتير والكتروني وبضطر افك الاسبراتير بالكامل وبياخد مصنعيه؟؟؟؟؟؟؟
ولا بيشتغلني ؟؟؟؟؟؟؟؟؟؟؟؟

يا ريت تخلي بالكوا من موضوع الموبينه ده وبيفصل لوحده بدون اي مقدمات وان كنت اشك في سلامه سلوك البوجيهات وهي من افسدت الموبينه ( مجرد ظن )

يا ريت تعرفوني بس سعر المصنعيه عشان انا حاسس انه مبالغ فيه فهل هو صحيح ام لا

واشكركم مقدما