|
مشكله مجنناني في اللانوس
انا معايا لانوس 2002 العربيه كانت زي الفل لحد اول امبارح اللي حصل اني و انازل الصبح شغلت العربيه عادي بس لقيتها كل شويه بتبطل و بتطلع دخنه سوده من ورا و صوت الماتور كان عالي اوي و العربيه كانت بتتهز استنتجت ان العربيه عاوز تغير بواجي لأني بقالي سنتين مغيرتهاش و انا كده كده كنت حغيرها قبل دخله الشتا المهم سيست العربيه واحده واحده لحد ما سخنت و ظبطت شويه روحت خلصت مشاويري بيها فانشغلت و نسيت اغير البواجي سبتها بتاع 4 ساعات جيت اشغلها مبتشتغلش مفيش اي حاجه جيت اخدت وصله و شغلتها العربيه اشتغلت روحت للكهربائي غيرت البواجي و اسلاك البواجي ب 140 جنيه اجي بقي اشغل ما تشتغلتش إلا بوصله كهربا جه الكهربائي قلي البطاريه كده خلاص قلتله ازاي و البطاريه جايبه اخضر قعد يدوحر معايا لحد ما اقنعني و لان بطريتي كانت منفخه من الجناب روحت جبت بطاريه جديده و اول ما اشغل بتشتغل عادي و صوت العربيه هدي و كل حاجه ظبطت بس تحس ان فيه فرق بسيط عن الاول المشكله بقي اني لما اجي اشغل العربيه الصبح كل شويه تبطل و صوت الماتور يعلي و افضل اسايسها لحد ما تسخن و بعد كده ترجع لطبيعتها ديه بقي تبقي مشكله ايه لأن الموضوع ده قرفني لاني لو سبتها سعتين و رجعلتها تعمل نفس المشكله و آسف علي الاطاله. |
رد: مشكله مجنناني في اللانوس
اولا العربية عاوز تشيك على البوجيهات والسلوك وفلتر البنزين والهواء والزيت ونضف البوابة ولو لسة بتعمل نفس الحركة اعمل اسكانير على الكمبيوتر ويشوف فى اعطال الزيت الى انت بتستخدمة للعربية نوعة اية
|
رد: مشكله مجنناني في اللانوس
السلام عليكم ممكن عيب بوبينه (كويل) والله المستعان |
رد: مشكله مجنناني في اللانوس
الف شكر ليكم علي التفاعل النهارده روحت كشفت ع العربيه كمبيوتر و طلع العيب فلتر بنزين و سوسته جكمان مكسوره روح عملتهم و ظبطت العربيه بقت تمام في الصوت و السحب و كل حاجه ما عادا حاجه مضيقاني انها بطلع دخان ابيض بكميه كبيره و مش عارف ايه السبب الميكانيكي بيقول حيروح بعد مشوار طويل بس انا مش مقتنع و عاوز اعرف بس ايه سبب الدخانه البيضه
|
رد: مشكله مجنناني في اللانوس
السلام عليكم الحمد لله بس الدخنه في الصباح ولا طول ايوم لو في الصبح اول ما تدور بس بيكون عيب اويل سيلات صبابات لو طول اليوم هل بينقص ماء التبريد والله المستعان |
| الساعة الآن 06:06 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017