|
تصنيع سيارة من الخشب (فكرة للنقاش)
بسم الله الرحمن الرحيم مشروع تصنيع سيارة بالكامل من الخشب الحقيقة الفكرة دى عندى من سنين ولكن طورتها من قريب و هعرضها عليكم فاكرين لما كنتوا بتروحوا مرسى مطروح زمان وبتاجر لعيالك او بتاجر ليك ما يسمى ( بالكرنك ) زى العجلة بس بدركسيون كده كانك راكب عربية لو تفتكر كان فيه منه راكب واحد و 2 راكب و 4 راكب اهو الفكرة هتبقى على ال 4 راكب الشاسيه فقط هيبقى من المعدن وباقى السيارة بما فيه التابلوه كاملا من الخشب أمثلة توضيحية http://www.masr1.com/di-DA7W.png http://www.masr1.com/di-K7KA.jpg http://www.masr1.com/di-I3BT.jpg http://www.masr1.com/di-DJTY.jpg http://www.masr1.com/di-1NL5.jpg عندك خيارين 1- يا اما هتعملها بمحرك عجلة ( يعنى عجلة باسلوب شيك ) 2-أو هتعملها بمحرك بنزين عادى لو بمحرك عجلة :- الفكرة اخدتها من واحد أمريكى صنع عربية بورش من الخشب وبمحرك عجلة واليكم التفاصيل الاضافة اللى من عندى بقى وهو ان نغطى العربية كربون بالكامل زى ما بنشوف بعض السيارات عاملينه وبكده محدش هيكشف ان العربية ممكن تكون عجلة مع زجاج فايمه وتبقى حاجة اخر تمام تانى حاجة بس هى محتاجة تعديل على محرك العجلة بدل ما احنا بنسوق العجل كده http://www.masr1.com/di-AA06.png أنا عدلت الفكرة بحيث كانى سايق عربية بجد و هيبقى جهد سواقة أقل (رسم تخيلى ) http://www.masr1.com/di-0QF3.png لما هنيجى نسوق هندوس على دواسة 1 و 2 معا بحيث بتزود سرعة بالاتنين هى محتاجة دراسة بقى بحيث انى اعدل العجلة انها تبقى كده شوفت ناس عاملاها بس مش عارف ازاى التابلوه و الحاجات دى هتتصمم خشب وبعدين هنحط سفنج مضغوط و يتغلف بفرش جلد وطبعا هنركب زجاج عادى زى أى عربية الفكرة بقى ان لما العربية تتصنع ناخد نفس المقاسات يعنى لو نموذج مثلا فيات اونو ناخد نفس المقاسات بالملى يعنى لو وصلت انى اركب شبكة الاونو او الفانو تركب عليها الفكرة التانية بقى وهى ان العربية تعمل بمحرك بنزين فدى هتبقى مكلفة شوية و محتاجة جهد كبير علشان تتعمل انما فكرة ان العربية تمشى بمحرك عجلة هى بدل ما اشترى عجلة اشترى عجلة باسلوب شيك وهى تبقى معدة للاستخدام داخل المدينة يعنى تروح مشوار صغير تروح الكلية بتاعتك بيها كده يعنى و هكذا الفكرة داخل دماغى لدرجة انى بفكر اصنع نموذج على شكل فولكس فاجن باسات شكل 2006 - 2011 طبعا هيلزمك انك قبل ما تبتدى تتفق مع نجار مع بتاع زجاج سيارات و مع حداد ومجموعة كده تجمعهم فى مكان وتشرحلهم فكرتك علشان يبتدوا ينفذوا يعنى مثلا لازم بتاع الزجاج يبقى موجود علشان النجار اللى هيعمل يبقى عامل حساب مكان تركيب الزجاج بطريقة معينة ميصممش ويجى يركب الزجاج ميركبش وهكذا ياريت تشاركونا رايكم و اقتراحاتكم فى الموضوع تحياتى Yahia Ashraf |
رد: تصنيع سيارة من الخشب (فكرة للنقاش)
يا راجل أنا كنت فاكرك تقصد الشكل ده, بس بصراحة لاقيتك جايب صور خرافه
http://im40.gulfup.com/8mVHN.jpg بصراحة فكرة العربية الخشب مفكرتش فيها غير و أنا صغير زى العربيات بتاعة الأطفال إللى بيركبوها, كانت زمان بتمشى مانيوال, و بعدين بالبدالات, و أخيراً بقت ببطارية و موتور. |
رد: تصنيع سيارة من الخشب (فكرة للنقاش)
فكرة ظريفة جدا
المشكلة فى المرور و لو عربية بنزين حتبقى خطر جدا لا الخشب ممكن يموت مع الحادثة |
رد: تصنيع سيارة من الخشب (فكرة للنقاش)
طبعا انا عامل حساب تسوس الخشب و العوامل البيئية فالعربية هتبقى الاساس خشب زى ما بالصور انما العربية هتتعزل تمام من كل حتة و بعدين هغطى العربية كلها كربون اسود
|
رد: تصنيع سيارة من الخشب (فكرة للنقاش)
هيا فكرتها حلوة جداً خاصة أنك هتتجنب فكرة السمكرة و الدوكو و البارومة و الموال الأبيض ده
يعنى دواخلها هتاخد فلوت علشان تفضل فبريكا و من بره ربع لاكية يخليها تمام, يعنى مفيش سمكرة و الدوكو كله يتكلف بالكتير 50 جنية بالفرش أو الإسبراى بس مش هينفع توديها المغسله أو تدخل بيها فى برك مياه أو حتى تركنها تحت المطر فى الشتاء و خاصة لو فى إسكندرية مثلاً, الخشب بتاعها هيبوظ و هتعوم و تبقى مركب!!! و أعتقد كمان إن الخشب ممكن يكون أثقل وزناً من الصاج و فى نفس الوقت مش أمان فى حالات الحوادث لاقدر الله (مقارنة بالصاج مش بالفيبر جلاس) |
| الساعة الآن 12:11 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017