مهم جدا جدا جدا جدا من اهل الخبرة
 

السلام عليكم ورحمة الله وبركاته
ازيكم جميعا وكل عام وانتم بخير بمناسبة عيد الاضحى اعاده الله علينا وعليكم بالخير واليمن والبركات ان شاء الله

ندخل في الموضوع بقي
انا لسه شارى عربية byd f3 موديل 2014 ومستلمها بقالى اسبوع بالظبط , بس في حاجه ظهرت معايا قولت اجى أسأل أهل الخبره قبل ماروح التوكيل علشان اشوف ايه ده
اولا عندى نور حزام الامان في التابلوه المفروض انه بينور طول ما الحزام مش مربوط , هو بييجي ساعات واللمبة بتطفي خالص كإن الحزام مربوط بالظبط وممكن تقعد يوم ولا حاجة وترجع تانى وتعلق وهكذا

ثانيا بسمع صوت وانا ماشي بييجي من ورا زى تكتكه كده تقريبا في السوست لما باخد مطب ولا حاجة بسمع الصوت ده وبيبقي رخم اوى مش عارف ده من ايه أرجو اهل الخبرة انهم يفيدونى وانا هنزلكم صور للعربية هى بصراحه الى حد ما كويسه انا كان معايا رينو لوجان وبعتها واشتريت دى , بس عربية كويسه انا لسه طبعا مقدرش اقيمها دلوقتى بس مبدئيا اهو الحمد لله

رد: مهم جدا جدا جدا جدا من اهل الخبرة
 

ماتقلقلقش كل دة تربيط ويتظبط فى صيانة 1000كم---لكن اللوجان احسن فى السحب ولا سيارتك الجديدة واية الفرق المبداءى بينهم

رد: مهم جدا جدا جدا جدا من اهل الخبرة
 

بص للأمانة الشديدة علشان انا كان عندى اللوجان بقالى تلت سنين بسم الله ما شاء الله عربية جميلة جدا جدا جدا ومكانش فيها اى عيوب بصراحه وكنت مواظب على الصيانه في التوكيل ومعاملتهم كويسه جدا , بالنسبة للسحب العربية البي واى دى بتسحب بسرعه واللوجان سحبها جميل برده وثابتة جدا على الطريق وفي الاتساع بحس ان قعدة اللوجان مريحه شوية عن البى واى دى لان الكنبة اللى ورا في البى واى دى مساحة المقعد صغيره شوية فتحس انك مش مستريح اما اللوجان بتبقي قاعد براحتك , وبالنسبة ليا انا كمان انا وزنى كتير شوية وطويل كنت ببقي مستريح في اللوجان عن البي واى دى وانا قاعد على الدركسيون , بالنسبة لخامات العربية اللوجان افضل شوية , بس انا علشان مظلمش البي واى دى هى عربية ممتازة جدا لحد دلوقتى انا طبعا لسه ممشيتش بيها الا 400 كم بس فأكيد مع الوقت هقدر احكم عليها كويس

رد: مهم جدا جدا جدا جدا من اهل الخبرة
 

وعلى فكرة انا كنت شارى اللوجان فول اوبشن 2011 ب 69.500 جم وبعتها ب 60000 وكانت عامله معايا 50000 كم وزيرو في كل حاجة

رد: مهم جدا جدا جدا جدا من اهل الخبرة
 

وكمان في مشكلة عندى ان جهاز الانذار مش عارف اظبطه