|
ساعدونى فى اختيار نوع الزيت المناسب بيلز
السلام عليكم يا جماعه انا معايا سوزوكى فان 7 راكب وجبتها زيرو من 4 شهور وحاليا عامله 15 الف كيلو اول ماجبتها كنت متردد احطلها زيت ايه واغلب الناس قالتلى خليك فى شل الاصفر وده اللى انا عاملته بس بعدها اكتشفت ان العربيه وهى جديده المفرود يتحطلها زيت تخليقى او نصف تخليقى لكن مش معدنى واكتشفت ان الشل معدنى :( فايترى اقدر اغير لنص تخليقى فى الوقت الحاضر ولا تنصحونى بايه ؟؟
وسواء كده او كده انا كنت عايز اعرف كحب استطلاع انواع الزيت النص تخليقى من شركه شل او موبيل وياريت اسعارهم وكان ليه سؤال هل ينفع اخلط زيت بمعنى انى احط 2 لتر شل "معدنى" مع لتر ونص موبيل وان "تخليقى" ؟؟ ولا الكلام ده هبل من وحى خيالى :shyy: وااااخر سؤال معلش كنت عايز اعرف اغير زيت الفتيس والكارونه كل كام الف كيلو لانى مش بروح التوكيل لبعد المسافه وضيق الوقت ومتشكر جدا مقدما |
رد: ساعدونى فى اختيار نوع الزيت المناسب بيلز
زيت تخليقى ايه بس دى سوزوكى 7 راكب وعلى فكرة أنا مش بقلل من قيمة العربية العربية دى قعدت معايا 4 سنين مشيت بيها أكتر من 350000 كيلو وكنت بروح بيها كل حتة فى مصر ومكانتش بتقول لأ فى أى مشوار وكان بيشتغل عليها 3 سواقين فى 3 ورادى فى اليوم الواحد وكنت بحطلها زيت اسمه امارات وكان ب 65 ج ومشيت عليه سنتين وبعد كدا بقيت احط زيت شيل وانا رآى الشخصيى خليك على زيت شيل الاصفر 3000 ك وسعر بالتغيير 125 ج أو تحط زيت موبيل xhp 3000 كيلو ودا سعره 135 بالتركيب وربنا يوفقك |
رد: ساعدونى فى اختيار نوع الزيت المناسب بيلز
السلام عليكم اولا ماينفعش تضع زيت تخليقي على معدني ده غلط جرب زيت التعاون SL الأصفر في رأي افضل من موبيل وثمنه ارخص في حدود 97 جند والله المستعان |
| الساعة الآن 05:17 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017