أرجوا المساعده
 

أشتريت عربيه ليفان 7 راكب موديل 2013 من التوكيل السعودي جروب وكنت بعمل الصيانه في التوكيل لحد 15000 كم بس هما غاليين جدا المهم أن عند 25000 كم لقيت العربيه بها رعشه بسيطه على السلانسيه ولمبه الشيك بتنور يوم وتطفي يومين فسبتها لحد 30000كم وبعدين قولت أغير البوجيهات فرحت غيرتها في التوكيل ولكن الرعشه مرحتش واللمبه بتنور وفضلت العربيه شغاله لحد 40000 كم مع العلم ان سحب العربيه كويس وهي تعمل بنظام الغاز والبنزين بس أنا قولت هروح أعمل صيانه ال40000 في التوكيل وهما يحلولي مشكله الرعشه المهم في التوكيل ركنوني 6 ساعات وبعد كده قالولي أن العربيه محتاجه تغير شجره البخاخات وبعد كده لو المشكله لم تحل هنشيك على وش السلندر وسألت عن سعر البخاخات لقيته 1300 جنيه وممكن ميكنش العيب منه مشيت ودورت على حد بيفهم في البخاخات فلقيت واحد في المعادي اسمه مدحت ورحتله ونظفلي البخاخات على جهازالترا سونيك بس الرعشه فضلت زي ماهي فبص على البوجيهات لقاها سليمه و لكن الصباب رقم 1 شكمان لا يعمل فأنا مش عارف أعمل ايه مع التوكيل اللي كان هيدفعني 1300جنيه على الفاضي ولو حد يعرف ميكانيكي كويس يحللي المشكله دي وهل المشكله دي هتأثر علي الموتور في حاجه أنا اسف للإطاله ولكن الموضوع مضايقني

رد: أرجوا المساعده
 

فين الردود يا جماعه

رد: أرجوا المساعده
 

الصمام لا يعمل ليه ؟ الكامة اتكسرت و لا ايه السبب بالظبط ؟

رد: أرجوا المساعده
 

ازاااااااااااااااااى عرف ان الصباب دة مش شغال ؟؟؟؟؟؟؟؟؟؟؟؟
عربيتك لازم تتحط على اسكانر ونحدد العيب من اية وانا اعتقد ان عيب فى سلك البوجيهات او لو ان النظام عندك مسطرة للبوبينة يبقى نقوم بتجربة واحدة غيرها
او ان البوبينة فيها مشكلة فى خط من الاربعة او اكثر
ممكن الميكانيكى يحدد اى خط من الاربعة فية مشكلة بنزع سلكة البوجية من ناحية البوبينة بالتتابع مع ملاحظة انتظام دوران الموتور وبناء علية بيحدد اى خط من الاربعة ضعيف او فاصل

رد: أرجوا المساعده
 

سهل قوي انه يعرف فيه صباب مش شغال
ودا الشرح في المشاركة دي
http://www.masrmotors.com/vb/showthr...est#post917060
والله اعلي واعلم