هل طبيعى بوجيه يقطع بعد 9000 كيلو بس ؟
السلام عليكم
انا كنت عامل صيانة ال 60 الف كاملة للفيرنا بكل السيور و البوجيهات و الفلاتر الاصلية كله من التوكيل و زيت ليكوى مولى ال 10000 كيلو و تم تنضيف رشاشات و البوابة, الكلام ده انا عملتو و العربية عاملة 55 الف عشان كنت هسافر بيها.. دلوقتى العربية عاملة 64 الف و جيت ادور النهارده لقيت الموتور بيدبدب جامد و رجرجة و التابلوه بيرتعش لمدة 15 ثانية و بعدين رجعت طبيعية و ناعمة جدا, قفلت و دورت كذا مرة و رحت مشاوير و محصلش الموقف ده تانى و قياس الزيت تمام و مش محروق.. ممكن يكون ده بوجيه قطع و رجع اشتغل تانى ؟ و هل طبيعى بوجيه يقطع بعد 9000 كيلو بس ؟ |
رد: هل طبيعى بوجيه يقطع بعد 9000 كيلو بس ؟
عيوب الصناعة واردة فى اى حاجة كمان ممكن يكون كان فيه حاجة فى البنزين برجلت الحرق
عموماً شوف اذا كانت هتكرر تانى ولا لاء ولو تعرف تفك البوجيهات تبص عليها يكون افضل |
رد: هل طبيعى بوجيه يقطع بعد 9000 كيلو بس ؟
90% من البوجيهات اللى فى السوق مضروبة
والجديد بقى الزيوت بقى معظمها مغشوش وطبعا الاصل فى الموضوع ان كل قطع الغيار مضروبة |
رد: هل طبيعى بوجيه يقطع بعد 9000 كيلو بس ؟
انا ركبت طقم بوجيهات ولقيت منهم واحد قاطع بعد أقل من 500 كيلو
حتى قطع الغيار المعتمدة والمختومة بتبقى عرضة ان يكون فيها عيب صناعة فرز تالت ورابع |
رد: هل طبيعى بوجيه يقطع بعد 9000 كيلو بس ؟
السلام عليكم اغلب قطع الغيار مضروبه بس انت ليه شكيت في البوجيهات الرعشه دي ممكن تكون من الكويل (البوبينه) والله المستعان |
الساعة الآن 07:09 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017