مصر موتورز مجتمع السيارات - سؤال بخصوص تجديد الرخصة

مصر موتورز مجتمع السيارات (https://www.masrmotors.com/vb/index.php)

- المرور والشهر العقارى (https://www.masrmotors.com/vb/forumdisplay.php?f=89)

- - سؤال بخصوص تجديد الرخصة (https://www.masrmotors.com/vb/showthread.php?t=118812)

سؤال بخصوص تجديد الرخصة

انا اشتريت عربية لسة قريب والمفروض الرخصة هتنتهى بعد 10 ايام
والفحص لسة قدامة الى 2014
والعربية باسم المالك الى اشترتها منه وعملى توكيل شامل ومعايا كمان صورة بطاقتة
هل ينفع اجدد الرخصة على اسمة واستفيد بالسنة الفحص دة
علشان انا كمان عندى مشكلتين مشكلة مادية علشان مصاريف الفحص ونقل الملكية والتسجيل
تانى حاجة العربية محتاجة شغل من برة وقلقان يتلككوا عليها
علما بان العربية مرور عين الصيرة وانا بطاقتى على مرور حلوان
فارجوا الرد من اصحاب الخبرة مع العلم انى جديد فى الموضوع دة ومش عارف اى حاجة ولا عارف المفروض اعمل اية
ولكم جزيل الشكر

رد: سؤال بخصوص تجديد الرخصة

لو التوكيل ف التعامل معا المرور ممكن تجدد باسمو لو هيا عربيه زى ما فى الصوره 128 ف ممكن تلاقى العقد المسجل بتاعها اقل من 100 ج فاحسنلك تعملو وتنقل لمرورك وتريح دماغك لو ناوى تأنى العربيه
غير كدا هتروح هناك وتشترى عقد م الكشك وتصور الرخصه وتددهلهم وتكمل اجراءت وكدا

رد: سؤال بخصوص تجديد الرخصة

اشكرك على الرد وجزاكم الله خيرا
انا فعلا بدات فى اجراءات نقل الملكية واتكلف 65 جنية للشهر العقارى
لسة ناقص المرور بس على ما اعتقد فعلا مش هتتكلف كتير

رد: سؤال بخصوص تجديد الرخصة

اقتباس:

المشاركة الأصلية كتبت بواسطة samir.sayed.83 (المشاركة 918743)

لو امكن يا استاذ سيد تجديد الرخصة كلفك كام
انا عربيتى 128 موديل 1982 وهغير النمر والرخصة باسمى

رد: سؤال بخصوص تجديد الرخصة

اقتباس:

المشاركة الأصلية كتبت بواسطة ahmed_el_22 (المشاركة 927312)

لو امكن يا استاذ سيد تجديد الرخصة كلفك كام
انا عربيتى 128 موديل 1982 وهغير النمر والرخصة باسمى

بص انا هقول لحضرتك
انا اولا عربيتى موديل 1976 والماتور 1100 سى سى والعربية مرور عين الصيرة وكنت هنقلها لمرور حلوان
الاول رحت مرور عين الصيرة طلعت شهادة مخلفات الشهر العقارى خد 65 جنية علشان التسجيل والشهادة دة مدتها شهر من تاريخها يعنى لازم ترخص قبلها
وبعد كدة رحت المرور الى انا تبعة مرور حلوان يعنى واشتريت ورق فحص بسنة علشان مكنتش عارف هتعمل كام والعملية كانت مقصرة معايا دة ب 25 جنية وجبت دوسية من كوشك هناك 10 جنية
اديت بعدها 5 جنية للراجل بتاع البصمة حتها فى جيبة علشان ياخد البصمة من غيرها هيسيبك واقف ومش هيسال فيك وبعد كدة رحت لمهندس الفحص قالى روح للمرور الى العربية تبعة واعمل تاكيد فحص واستعلام امنى خدت الورق ورحت مرور عين الصيرة قدمت الورق جابوا الملف الموظف المحترم الى هناك الى زبيبة الصلاة فى وشة اتحجج ان لازم يشوف العربية وهيا مكنتش معايا مع انه بيطابق ورق المهم خد 10 جنية ومشالى الورق
خدت الورق وختمتة من رئيس الوحدة ورحت على مباحث شاف الرخص وعمل بحث وختملى الورق وطلعت على مرور حلوان وريت الورق لمهندس الفحص وخد 50 جنية رشوة برضة علشان يمشى الورق وكانت عدت 1 الظهر فروحت وجيت تانى يوم
دخلت على بتوع الطفاية اتاكد انها سليمة ودفعت 5 جنية ورق وحطيتة فى الدوسية مع بقيت الورق وبعد كدة رحت عملت التامين بسنة ب 110 ورحت بعدها للوح قالى بدل انت كنت مرور جوا القاهرة الوح مش هتتغير وبعدها رحت على شباك الرخص خدت الرخص ومشيت والحمد لله الموضوع خلص بس انا فاكر ان فى حاجة تانية دفعتها بس انا للاسف مش فاكر اصل الاجرائات كتيرة قوى برضة علشان انا فاكر انها دخلت العملية كلها بالرشاوى 400 الا حاجة بسيطة وللعلم عربيتى كانت سليمة بس الورق مبيمشيش الا بالفلوس اعمل حسابك فى فكة كتير وهرفعلك صورتين بالاوراق المطلوبة فى حالة التجديد او نقل الملكية كنت مصورهم من المرور علشان الناس تستفيد
وربنا يكرمك ويوفقك وتقع فى ناس ولاد حلال