مطلوب وصف إلي العجوزة أو الدقي
 

رد: مطلوب وصف إلي العجوزة أو الدقي
 

ات هاتضر كده تدخل المندسين و انت جاى

على فكره العنوان ده جنب الفندق الى كنت فيه لما خطفناك و قريب منه قوى لكن بصراحه معرفش اوصفها


غير انك تكو فى شارع التحرير اللى فى الدقى و خلى القسم على شمالك و محطه البزين اللى هيا مصر للبترول على يمينك و امشى على طول لحد ماتلاقى كوبرى ادخل منتحتيه يمين و اول يو ترن لف و ارجع تانى و ادخل فى اول يمين اللى على نصيته محطه بنزبن برضو (هو ده شارع مصدق )

بصراحه ده كل اللى اعرفه عن المنطقه دى

و تيجى بالف سلامه و ابقى بلغنا علشان نخطفك

رد: مطلوب وصف إلي العجوزة أو الدقي
 

صلى على رسول الله

اولا هاتخلص الطريق الصحراوى لغاية ماتوصل بالسلامة لغاية بوابات القاهرة بعدها تركب المحور لغاية ميدان لبنان و تكمل بعدها كأنك رايح على كوبرى مايو و بعدين اول فتحة يمين تاخدها اللى هى اول سور نادى الزمالك و تفضل من تحت لغاية ماتوصل جامعة الدول العربية ...تفضل ماشى فى جامعة الدول لغاية الاشارة الألكترونية اللى على يمينها مبيعات بورش و سيات و تلف شمال مع الملف اللى هناك و تاخد اول يمين مع العربيات ( خللى بالك الحتة دى مش امان ياريت تلبس حزامك ) كده انتا بقيت فى شارع البطل احمد عبد العزيز تفضل ماشى فيه و تعدى توكيل هيونداى ( على اليمين ) و تفضل ماشى هاتعدى كوبرى اكتوبر من تحته و تفضل ماشى ( فيه مطب صناعى هناك و تكمل مشى هتلاقى طلعة كوبرى الدقى خليك من تحتها و تاخد اول يمين على ناصيته بنزينة ( هو ده شارع مصدق ) و حمدلله على السلامة ( ان شاء الله ) و لو فيه حاجة ممكن اوصل سيادتك انا

رد: مطلوب وصف إلي العجوزة أو الدقي
 

توصل بالسلامه يا اسلام باشا
طبعا الاخوه وصفوا بالضبط
بس انا حضيف حاجه بسيطه
لما توصل لشارع جامعه الدول افضل ماشي لحد ما تلاقي جاد علي يمينك و بعدين تاخد
اول يوترن و تلف و ترجع و تخش من الشارع اللي في وش جاد
كده حيبقي نادي الصيد علي شمالك تفضل ماشي و تاخد اول يمين و يوتيرن و تدخل في الشارع
اللي مقابل للشارع اللي انت كنت فيه حتخرج منه يمين
اول ما تخرج حتلاقي كوبري اكتوبر بالعرض خليك من تحته
و تمشي شويه حتلاقي الكوبري التاني متهيالي دا كوبري الدقي
من تحته ادخل يمين هو دا شارع مصدق و علي ناصيته بنزينه التعاون علي ما اتذكر;)

رد: مطلوب وصف إلي العجوزة أو الدقي
 

او لو حتيجي من جوه القاهره من علي الكورنيش
يبقي النيل علي يمينك و تمشي لحد مبني الاذاعه و التلفزيون
حتلاقي كوبري اكتوبر حتاخد شمال و تطلع الكوبري
دا حيبقي اتجاه الجيزه و تاخد الكوبري لحد اخره و تنزل مع الملف و تمشي شويه
لحد ما تلاقي كوبري (اللي هو كوبري الدقي)
م اتطلعش و تدخل يمين و حتلاقي البنزينه و يبقي كده انت وصلت شارع مصدق:)