رجرجه وخشونه هاتجنني
 

عندي رجرجه من عند العجله الشمال في الطلعه ولحد سرعه 30 او 40 بتظهر بعد مالعربيه تسخن المهم الموضوع ده قرب يجنني انا غيرت بليه العجله دي وغيرت الكاوتش ومغير العفشه
الحاجة الي اكتشفتها امبارح بالصدفه البحته اني رفعت العربيه امبارح ومورت العربيه ودورتها لقيت العجله دي بتلف عادي وبسهوله علي اغلبيه الديسك ماعادا جزء فيها بيحك في التيل وفي الحته دي العجله بتبقي تقيله جدا وخصوصا اما تسخن
سؤالي هل ممكن الوضع ده يكون هو الي عاملي الرجره والخشونه دي ؟؟ مع العلم ان ماعنديش رجرجه مع الفرامل
وهل ممكن يكون الديسك بس ولا ماستر الفرامل ولا التيل ؟؟

رد: رجرجه وخشونه هاتجنني
 

لازم الجنب دة يتفك عند فرملجى
يعملة نضافة وتغير الاستك بتاع البستم وحط شحم قبل لما يقفل البستم

رد: رجرجه وخشونه هاتجنني
 

شكرا ياباشا علي الرد واحب اقولك ان هو ده الي عملته بالظبط
وبعد مافكينا لقيت مسمار من المسمارين الي علي الدشمه الي هما غالبا البساتم واحد منهم فيه لوحه
لدرجه ان لما طلعناه من مكانه مارضيش يدخل تاني
المهم بعد ماغيرنها وجربت العجله بقت ملبن بتدور كده من لسمه حنينه
الأعراض بقي الي كنت بعاني منها لنقل التجربه كانت كالأتي
1- رجرجه من عند العجله الشمال
2- حدفه ناحيه الشمال
3- تقل في الدركسيون
4- تقل في الطلعه وياسلام لو معاك حد ومشغل التكيف بطه بلدي
5- سخونيه عن الطبيعي
6- أستهلاك بنزين
7- تسقيف من المكنه في الطلعه مع ان العربيه اوتوماتيك

وال 7 اعراض دول اختفوا تماما وكل ده بسبب حته مسمار

رد: رجرجه وخشونه هاتجنني
 

شكرا لاهتمامك ونقل التجربة